الجزء الاخير قالها وين راه ذا البوليسي ؟؟؟ قالتلوا راهو راقد و بايت عندنا الليلة , قالها عيطيلوا نسحقوا , عيطولوا غير شافوا شاف بلي هو اللي كان مع لابوليس و سيزاولوا السلعة حاب يضربوا مخلاتوش المرا , قعد قالها بون انا ماجيتش على جال الرمان , انا جيت على الظلم تاعك لساندريلا و كفاش خليتوها بايرة و نتاجها قع تزوجوا ؟؟ قالتلوا شوف يا وليدي , قاطعها سليمان و قالها انا ماشي وليدك كملي , قالتلوا انا مظلمتهاش انا رحت للبازار و خيرتلها صباط شباب تاع 1200 دج كي ماجاهاش حبت دير المشاكل , قالها شوفي بون البوليسي راهو هنا نزيد نسمع دنيتي ليها و لا ظلمتيها نولي ليك بكومبلوا يحرقولك القصر تاعك او الطفلة ماتتزوجش ؟؟؟ قالتلوا خلاص نزوجها و نديرلها الحفلة في لاصال ديفات و نعرض الناس قع , قالها اوكي مادا بيك , كي جا مولي سليمان شداتوا سندريلا من يدو و قالتلوا يعطيك الصحة لوكان ماشي نتا منوليش لدارنا انا مادا بيا تقعد معايا و تتزوج معايا , فرح سليمان و قالهم مالا نزربوا بالعرس و غدوة نبدا نعرض الغاشي و اف في البوليسي و قالو لوكان ماترجعليش السلعة تاعي منعرضكش للعرس , غد من داك را الشوفوغ لبوشاوي لقا المعاريض يستناو و جابلهم 50 عود باش يديهم في كورتاج و حضروا العرس و تزوج سليمان و فتح حانوت تاع حفافة قدام القصر و عاشوا في سعادة و هناء . - - - ஜ۩ ۩ Mr.rachid ۩ ۩ஜ
Posted on: Mon, 24 Jun 2013 00:18:19 +0000