الجزء السابع والأخير : كي كمل راح للسيباغ وحل الفايسبوك لاول مرة بعد ما مات باباه فتح الفايسبوك تاعو ....... ولقى الكونت تاع ياسمين ماكتيفي واخيـــراا دخل للكونت تاعها لقاها كاتبة قصتها وواش صرالها بعد ما مات باباها ياسين يقرا والدمعة تطيح من عينيه وهادا واش كانتـــ كاتبة : "بعد ماسمعت بلي بابا دار اكسيدون في لوتوروت رحنا نجريو للسبيطار و لقيناه في حالة يرثى لها مي لقيتو في انفاسو الاخيرة يوصيني على ياسين باش مانخليهش انا ماقدرتش نحمل موت بابا فصراتلي شوك ودخلت الكومة بعد مامات بابا قدامي وضربت 3 شهور مابين الحياة والموت لكن كتبلي ربي نعيش بعد ما سلكت من الموت لقيت بلي يما و وليد خالتي فرقو بيني وبين حبيبي فقررت اني نحوس عليه ونحكيلو واش صرى حوست عليه في الفايسبوك وسقسيت عليه قالولي بلي مات باباه وبلي راح لفرنسا ومايوليش للابد فزاد الكره تاعي ليما وقررت اني نخلي الدار ونكسب رزقي بعرقي ونستنى حبيبي ياسين ونحكيلو واش صرى " ياسين كي قرااا واش كتبت في الفايس والدمعة تطيح من عينيه وكان قلبو حنين راك عارف قلب الزوالي كيفاش يجي داير المهمــ راح من داك غدوة للبازار لقاها وقالها بلي عرف واش صرالها وقالها انو مازال يحبها ......... وتزوجو وراحو هو وهي و فاميلتو لفرنسا . خلاصت القصة بالمختصر المفيد ان شاء الله عجبتكمــ برك
Posted on: Tue, 17 Sep 2013 01:36:22 +0000
Trending Topics
Recently Viewed Topics
© 2015