الفتاة تتصل تتصل مرارا و تكرارا و في الاخير يرد الرجل : . الفتاة= صباح الخير حبي سافا؟ الرجل= لاباس ربي يهنيك الفتاة= شيغي وشبيكمن الصباح و انا نعيط ؟ الرجل= جابلي ربي علابالك بلي راني نخدم مانيش فارغ شغل الفتاة = داكوغ شيغي ما توعفش..واش عمري توحشتني الرجل = تحبي الصح والله ما راني نخمم فيك الخدمة داتلي وقتي الفتاة= هه معليش شيغي راك معذور...حبي نشوفك لعشية الرجل= ربي يهديك كي نكون فارغ شغل نشاله كاش نهار الفتاة= علاش حبي علاش توحشتك الرجل= اسمعي ايا روحي اعشقي بعيد يرحم باباك خليني نخدم عندي اجتماع ذرك لعشية نعيطلك و ما تكسريليش راسي بلي زابال اوكي خير من ديرك ليست غوجتي الفتاة= داكوغ شيغي راني نسنا تون ابال مواحح طيييط طيييط و تنقطع المكالمة . . . . الرجل يتصل مرارا و تكرارا و في الاخير ترد الفتاة الرجل= صباح الخير يا وجه الخير الفتاة= بونجوغ الرجل= واش عمري سافا وين راه تيليفونك من الصباح و انا نعيطلك الفتاة= كنت نقرى معليش ياخي علابالك عندي تي دي الرجل = اه اوكي حبي ..عمري نجوز نروحو نفطرو كيف كيف الفتاة= لالا عندي ايكسبوزي لازم ندخل لابيبليوتاك الرجل= داكوغ حبي و غدوة نجوز نشوفك الفتاة= لالا غدوة ما نخرجش كي نهار نكمل ليزيكزامان بالاك نشوفك الفتاة هههههه و تضحك مع صديقاتها الرجل = الوو ياو وشبيك حبي انا نهدر و نتي راكي تقصري مع صحاباتك الفتاة = اسمع ممبعد و عاودلي اوكي ايا باي باي و تنقطع المكالمة في وجه الرجل . . . . . الخلاصة المشهد الاول الرجل هو ابن رجل اعمال معروف و شديد الثراء و الغنى و يملك شركة خاصة به و يقطن في ارقى حي بالعاصمة . . المشهد الثاني الرجل هو ابن موظف في بلدية و يملك محل صغير لبيع السجائر و ابن حي شعبي
Posted on: Thu, 27 Jun 2013 13:18:32 +0000