اللي بقلبي بدي قولوا ومش مستحي.. خلصنا خوف! سلامة قلب الجرحى المدنيين والناس الأبرياء اللي ما إلهم ذنب اليوم ببئر العبد.. وهيدا المجرم الجبان اللي عم يفجّر بين الناس، يتفضل يطلع يحارب حزب الله بالقصير ما دامه ضده.. بس بنفس الوقت.. ليش حزب الله اليوم قشط العالم كاميراتها ومنع التصوير؟ ليه ما عمل متل ما صار بالصاروخين بالحازميّة؟! ليه بينهان وزير الداخلية (هلق أنا قلت ما بحبوا) ولو هيدا الشي عملوا طرف تاني بلبنان كان انشر عرضه؟! ليه النفتاق من جوقة الناشطين؟! ليه الازدواجية بالتعاطي مع الأمور.. ليه لمن كان في تفجيرات بالأشرفية (وسام الحسن) وغيرها: ما شفنا نفس الإندفاع والبهدلة للشامتين (عوقت جبران تويني توزع حلو)! ليه الناس بتطلع بتقول فدا السيد كل ما ندق بمناطق الشيعة وما بنسمع العالم بتطلع تقول فدا الكتائب بساسين؟! وليه الناس عالفايسبوك بتتفاخر بهيدا الحكي الطائفي الأمي الغبي؟! موقفي واضح: طز بالساسة اللبنانيين أجمعين! وكل ما هوي الشعب اللبناني من ورا كل معركة وقنبلى عم بصير طائفي أكثر.. ايه بيستاهل!
Posted on: Tue, 09 Jul 2013 12:27:22 +0000
Trending Topics
Recently Viewed Topics
© 2015