بالنسبة لأمريكا..الإخوان قدموا نفسهم لأمريكا كطرف يقدر يلعب بدور مهم فى الصراع العربى-الإسرائيلى، والتعامل مع حماس، ولعب دور فى الأزمة السورية، والمواجهة مع إيران وحزب الله، وتحسين الوضع مع الحركات الإسلامية فى المنطقة وخارجها، بالإضافة طبعا لضبط الوضع الداخلى داخل مصر. بإختصار يعنى على الورق الإخوان شريك وعميل امريكانى زى الفل. وطبعا علشان الأمريكان جهلة بالسليقة وبيميلوا لتسطيح اى حاجة بيتعاملو معاها والا يرتبكو ويلوصوا، صدقوا وعجبتهم الفكرة وحبوا يعملوا فيها عم البراجماتى الصايع اللى يلعب بالبيضة والحجر. وبطبيعة الحال علشان مفتاح نجاح الإخوان فى القيام بدور العميل مرتبط بنجاحهم فى حكم مصر أصلا، وعلشان الامريكان فاتت عليهم دى، فوجئوا ان العميل بتاعهم مضروب وبينهار وان الناس مش عايزاه ببساطة وان اى خطط امريكا ممكن تكون عملتها على اساس تحالفها مع الإخوان حتنهار هية كمان. وبالتالى فكان من الطبيعى انها تلعب الدور المتوقع منها وتسند الصبى بتاعها بشكل بلدى ومفضوح تماما. وبكده تفقد اى تعاطف من النخبة المصرية وتصعب على نفسها امكانية انها تتمتع بعلاقات وثيقة مع البلد رغم كل اللى صرفته من منتصف السبعينات وحتى الآن. اننا نعيش عصر الحمقى والسفهاء على كافة المستويات.
Posted on: Fri, 05 Jul 2013 20:32:42 +0000
Trending Topics
Recently Viewed Topics
© 2015