بالنسبة لشنطة رمضان ان شاء الله حنعملها 28 يونيو قبل اي قلق محتمل 30 يونيو زي كل سنة بنشتري الحاجات بالجملة ونبدا في تقسيمها وبعدين تعبئتها وتوزيعها مكونات الشنطه (16 كيلو) ب 90 جنيه ---------------------------------------------- 4 رز 3 مكرونه 2 سكر 1 زيت 1 سمنه 1 لوبيا 1 فول 1 عدس اصفر 1 عدس بجبه 1 صلصه 2 شاي 0.5 كيلو طري بلح 1 قمر الدين على فكرة الشنطة دي قابلة للقسمة على 2 وبكدة اللي شايف انها كبيرة قوي يقدر يقسمها على عيلتين واللي حيودي لحد محتاج قوي وعارف انه مش حيجيله حاجة تانية من حد تاني تقدر تكفي عيلة متوسطة العدد 15- 20 يوم طبعا لو ليكم اراء تانية يا ريت تقولوها لي ونعملها سوا ان شاء الله طب ازاي تشارك؟ --------------------- بالفلوس , بتجميع الفلوس من اللي حواليك, بالمشاركه يوم الباكنج , بالتوزيع , او بنشر الفكره في معارفك بالنسبه للفلوس المبلغ اللي تحب تبعته مش مهم يكون تمن شنطه كامله يعني شــارك بكيلو أرز شــارك بكيس شاي شــارك بعلبة صلصة شــارك -ان شالله بتمرة شــارك بنشر الموضوع التوزبع: ------------ زي كل سنة اللي عايز يوزع شنطه بمعرفته ياخدهم يوزعهم عندي اكتر من جمعية ممكن تساعدنا في توزيع شنطنا معاهم (حلايب وشلاتين والكفور والنجوع المنسية) فاللي عايز يبعت شنطه معاهم برضة مفيش مشكلة بالنسبة للي حيوزع شنطه بمعرفته خلوا بالكم السنة دي احنا ضيوف في المكان اللي حنعمل فيه الشنط فعايزين نبقى خفاف يعني الشنط اللي حتتوزع بمعرفة اصحابها لازم يجوا ياخدوها يوم عمل بالكتير على 6.30 او 7.00مساء كل سنة وانتم طيبين للي عايز يعزم حد على الافنت : الفيستوك مصعبها قوي بس مش مستحياه: تضيف الاسم اللي عايزه للجروب الكبيره (شنطه رمضان) وعدين تعزمهم على الافنت (شنطه رمضان 2013) معلش غصب عني الحكايه دي الطريق بالمواصلات: ============ تركبوا اي حاجة توصلكوا لحد اكاديمية الشرطة و من هناك هتلاقوا ميكروباصات بتقول التجمع الاول، اركبوها و قلولوا ينزلكوا عند سلم الرابعة (المجاورة الرابعة) او شبراوي الرابعة. هتطلعوا السلم و تمشوا لأخر الممر قريب من بدر الموان او العمدة بتاع الموتوسيكلات ------------------------------------------------------------------- الطريق بالعربية للقادم من الدائري: =================== هتدخل من جنب اكاديمية الشرطة لأخر الشارع و تاخد اول u-turn و تفضل ماشي لحد سنترال التجمع الاول هتدخ من جنبه يمين و يبقى هو على الشمال، تعدي 2 مطب صناعي و تدخل شمال في ثاني يمين هتلاقي البيت على الشمال ----------------------------------------------------------------- الطريق بالعربية من شارع الثورة: ================== هتاخد شارع الثورة في اتجاه طريق السويس اكنك رايح على المطار، خلي المطار على شمالك و كمل في نفس الطريق لحد ما تعدي من تحت الدائري و تدخل اول يمين يقابلك مكتوب عليه يافطة التجمع الاول و هيكون من جنب المدرسة الانجليزية. تمشي في الشارع ده هتلاقي صانية و تدخل معاها شمال و بعدين تدخل في الservice lane و بعدين ثاني يمين من جنب اسواق الرحاب. هتعدي اول 3 تقاطعات و بعدين تاخد u turn ثاني يمين هتلاقي البيت. للناس اللي هتستخدم Google maps هنعمل share للlocation في الافنت المعاد : -------------- يوم 28 يونيو الساعه 8 صباحا قبل زحمه الصلاه وسوق السيارات كمان عشان نخلص بدري والبنات يلحقوا يروحوا واحتياطي للنور يقطع فنفسي قوي نخلص قبل المغرب ان شاء الله
Posted on: Fri, 21 Jun 2013 00:28:09 +0000
Trending Topics
Recently Viewed Topics
© 2015