بسم الله الرحمن الرحيم Ka thënë Imami Ebu ‘Uthman es-Sabunij – rahimehullah – në librin e tij “Akideja e Selefëve dhe Dijetarëve të Hadithit: وَ يُبْغِضُونَ أَهْلَ الْبِدْعِ الَّذِيْنَ أَحْدَثُوْا فِي الدِّيْنِ مَا لَيْسَ مِنْهُ، وَ لا يُحِبُّونَهُمْ وَ لا يَصْحِبُونَهُمْ، وَ لا يَسْمَعُونَ كَلامَهُمْ، وَ لا يُجَالِسُونَهُمْ، وَ لا يُجَادْلُونَهُمْ فِي الدِّيْنِ، وَ لا يُنَاظِرُونَهُم.ْ “Dhe i urrejnë njerëzit e bidatit, ata të cilët kanë shpikur në fe gjëra që s’janë prej saj, dhe nuk i duan ata, nuk shoqërohen me ta, nuk i dëgjojnë fjalët e tyre, nuk ulen me ta, nuk polemizojnë me ta rreth fesë dhe nuk debatojnë me ta.” Kurse disa vëllezër selefij shqiptarë akoma pa mësuar akijden dhe menhexhin selefij, vazhdojnë me moskokëçarje të debatojnë, të polemizojnë dhe të bëjnë muhabet me bidatçijtë nëpër internet. Nuk është çudi nëse ata do t’i shohim herët a vonë duke polemizuar dhe folur kundër menhexhit selefij, sepse zemrat janë të dobëta dhe shubuhatet e bidatçijve janë të forta, dhe nga devijimi askush nuk është i garantuar. Nëse shubuhatet e bidatçijve zënë vend në zemrën tënde, është e zorshme që të shqiten më, e kështu do të shkatërrohesh. Prandaj ka thënë Shejkhul-Islam Ibën Tejmijeh - rahimehullah -: “Mos u bëj si sfungjeri që thith lloj-lloj lëngjesh.” Kështu që, ruaje Fenë tënde e mos iu ekspozo bidatçijve dhe shubuhateve të tyre duke debatuar e polemizuar me ata, pasi atyre u janë vulosur zemrat nga Mbreti i qiejve dhe tokës. Ata veçse duan të tërheqin sa më shumë në devijimin e tyre. Mbështetju Allahut të Lartësuar e jo mendjes dhe dijes tënde të cekët. Dhe mos e harro duanë e të Dërguarit të Allahut - sal-lAllahu ‘alejhi ue sel-lem -: Ja Mukal-libel-Kuluub, thebbit kalbij ‘ala Dijnik. [O Ndryshuesi i zemrave, forcoje zemrën time në Fenë Tënde.] pershtati:Alban Malaj
Posted on: Sat, 13 Jul 2013 18:04:43 +0000