بعد حوار رئيس الجمهورية إمبارح للتليفزيون المصرى : - إية دة البرادعى طلع مبلغ رئيس الجمهورية قبل فض الاعتصام بيوم بإنه مستقيل من منصبة وتانى يوم قدمها ليه مكتوبة . - الله يعنى حسام عيسى طلع كداب للمرة العاشرة والبرادعى مكنش موافق اهو على فض الاعتصام بالقوة . - معقول البرادعى طلع صاحب مبادئ ومينفعش يكون بوشين ولا يعمل أى حاجة ضد مبادئة . - تقصد إن البرادعى بعد تصريح رئيس الجمهورية مش ممكن يكون عميل للاخوان ولا للامريكان ولا حتى ممثل فى مهرجان كان . - امال مرتضى وبكرى والعكش وموسى وجبهة الانقاذ كانوا بيقطعوا فيه لصالح مين ؟؟؟؟ - تفتكروا مكنوش عارفين إنه صاحب مبادئ ثابتة ومش بتتغير ؟؟؟؟ - لا طبعا" هما عارفين بس هما نوعين نوع عشان قذر عايز كل الناس قذرة زية وعلى رأى أحمد موسى مش إحنا بس اللى ( ..... ) يابرادعى ، أما النوع التانى فدول الانتهازين اللى فرحوا انه اتشال من طريقهم عشان كان كاتم على نفسهم وهما عايزين يكونوا حبايب للسلطة وبيقدموا نفسهم دلوقتى تحت مسمى أنا الطرطور البديل لمرسى . - الاسئله المهمة دلوقتى : 1- ليه رئاسة الجمهورية وكل المسئولين المحترمين اللى عارفين الحقيقة وعارفين إن الاعلام بتحركة أجهزة أمنية ومخابرتية متكلموش فى ساعتها وأظهروا الحقيقة ، أشمعنى بيتكلموا دلوقتى ؟؟؟؟ 2- ياترى الاجهزى الامنية دى خطرة جدا" لدرجة إن اللى هيتكلم ممكن هو كمان يشرب من نفس الكاس اللى شرب منه البرادعى فقال يسكت أحسن ، الله أزاى كده أمال مين اللى بيحكم بقى الاجهزة دى ولا المسئولين ؟؟؟؟؟؟ 3- ياترى الكشف عن الحقائق دلوقتى جاء نتيجة إن الدوله محتاجة طرف محايد يتعامل مع طرفى الازمة ومقبول دوليا" لتقريب المسافات ، الله بردوا أمال إيه لن نركع اللى كل يوم بيقولوها لينا فالتليفزيون والجرائد دى ؟؟؟؟؟ - عموما" أربطوا كل الاحداث ببعضها وأفتكروا الأسئله دى وقريب أوى كل الامور هتتكشف MI
Posted on: Wed, 04 Sep 2013 23:54:18 +0000
Trending Topics
Recently Viewed Topics
© 2015