#بوست_مُلحد_تكفيري_تنصيري_ماسوني حرية الأديان نسيبنا من كل الأديان التانية السماوية والأرضيه والبحرية ونخلينا في الإسلام ، الإسلام بدأ في مكة وكان كل آياته ساعتها عقيدة وإيمان والتعاملات اليومية ، فضل 3 سنين سرية و10 جهرية وبعدين انتقل إلى المدينة وكمل هناك بأه بناء الدولة وخلافه . القرآن مليان آيات بتدعوا لحرية العقيدة والدين ، ومن شاء فليؤمن ومن شاء فليكفر ، لكم دينكم ولي دين وكتير وكتير ، الإسلام برضه فيه قوانين زي الميراث والزنا و خلافه ، وطبعا بعد كل ده نقول الآيه : إنا نحن نزلنا الذكر وإنا له لحافظون . طيب هل القوانين الموجودة في القرآن دي صالحة لكل الأوقات ؟ طبعاااااان وبدون شك ده دين كل الأزمان وكل الظروف ، طيب أوكيه . ينفع لما واحدة دلوقتي تخون جوزها وتزني ، وهو متأكد وشاف بنفسه اللي زنت معاه ، يروح يجيب أربع شهود ولا يطلب من المحكمة (الإسلامية) تحليل DNA ? مممممم بلاش السؤال ده. تاريخنا اللي وصلنا ذكرت فيه أحداث الردة صح ، في القرآن لا يوجد دليل على حد الردة وكل اللي حصل إن أبو بكر اجتهد وأصاب ، فكر تفكير سياسي قبل ما يكون ديني واتصرف . هل دا معناه إننا نحط القرآن بأه على جنب ونشتغل مع نفسنا ؟ هل دا معناه إن ربنا مكنش عامل حساب الحاجات دي ؟ طبعاً لأ ، عشان هو هو نفس القرآن اللي بيقولك في أواخر الآيات : - أفلا تعقلووووووووووووووووووون -أفلا تتفكروووووووووووووووووون نخش على نقطة تانية ، عملت شير من شوية لمقال كده بيتكلم عن ال Male circumcision ، وكتبت كومنت من عندي ساركازم ان هي دي بأه حرية الدين ، لقيت الكومنتات كلها طبية :D ، يا جدعان سُدس رجالة العالم بس مختونين ، وأكبر نسبة منهم مسلمين وبيتختنوا لأسباب دينية وثقافية ، هتقولي لا انتا بتفتي كله همه الناحية الطبية هقوله لأ وحياة عقلك ، عادة الختان دي من أيام الفراعنة أصلاً وفيه رسومات فرعونية بتثبت كده ، وانتقل الأمر للرهبان اللي عايزين يوهبوا حياتهم للكنيسة، وبعدين جه الكلام الديني بتاع الإسلام وبعدين في القرن التاسع عشر بانت أسباب طبية . يعني لامؤاخذة كده كلام في سِركم بتتعمل لأسباب دينية ، المشكلة معايا هنا في نقطة الحرية الدينية اللي المفروض الإسلام محرص عليها ، إفرض انا يا أخي نويت أعيش بوذياً وهو قطعولي بتاعي وانا صغير وقللوا ال sensitivity بتاعتي للرُبع :D ، أرجع الحوارات دي منين أنا ؟ بلاش دي ونقول حاجة تانية ، العنف الديني اللي انتا شايفه ده وكل واحد شايف إن دينه الصح ولو مش كده يبقى دمك حلال ده خطأ في التطبيق ، خطأ مننا إحنا كبشرية متخلفة ، بس اقف هنا كده واسأل نفسك ، لما بتشوف مقال زي ده وكومنت زي بتاعي ده و تقوم كاتب أسباب طبية أو علمية أو أياً كان ، انتا واخد بالك انتا عملت ايه ؟ انتا يا باشا حاولت توصلي بالعلم لإن دينك صح ، صح ولا لأ ؟ افرض انا من بكره دخلت على نفس المصدر اللي انتا قولتلي أخش اتأكد إنه منشور فيه الكلام ده اللي هو ال BJUI وكتبت في بار السيرش Theory Of Evolution ، عارف طلعلي كام نتيجة ؟ 141 ، عارف نظرية التطور دي بتقول ايه من الآخر يعني ؟ ابقى تعالى وانا أقولك :D النقطة هنا إنك كمسلم مش مؤمن بحرية العقيدة من جواك ، بس بتعيش دورك في التمثيلية ، لما العلم يخدمك يبقى إشطه ، لما يتعارض معاك يبقى كُخه ودول ناس كفرة أصلا وعايزين يفتنونا ، زي ما بتقعد تتفاخر بالعلماء المسلمين القدامي زي ابن سينا وابو بكر الرازي وخلافه ، وتلاقي ابن القيم العلامة الديني المعروف مكفرهم وساببلهم 100 ملة هو وابن القيم ، أصل دي حرية دين . الخلاصة ، عيش يبني زي مانتا عايز وقولي حرية وبتنجان وبطيخ وإن الاسلام دين السلم ومش عارف أعد الغزوات مرورا ببدر وانتهاءً بغزوة الصناديق ، خليك صريح مع نفسك كده والنبي يا معلم وشغل عقلك وقول الصراحة .
Posted on: Mon, 22 Jul 2013 03:19:45 +0000
Trending Topics
Recently Viewed Topics
© 2015