(تاجر السعادة ) ذهبت لتاجر السعادة يشوف ليا علاج لقلبى الحزين قالى مالك يا أبنى ما أنت أمامى حلو و زين قولتلوا لا تنخدع فى المظاهر جوايا حزن دفين قالى أحكيلى يمكن اساعدك وانا اهو مطرطق الأذنين قولتوا حكايتى طويلة لا تتحكى فى ساعة ولا ساعتين الدنيا ملطشة معايا و جيبانى شمال ويمين باختصار ملخص مشاكلى انى دائما من المظلومين ده حتى من يأسى فكرت أنهى حياتى لكن خشيت رب العالمين قالى يا مجنون عاوز تنتحر وتبقى من الكافرين يا ابنى لو ربك حلل الانتحار كانت الدنيا أصبحت بضعة ملايين قالى قولى مشاكلك عشان اعالجك وتكون من الفرحين قولتلوا حبيبتى سابتنى عشانى فقير و كانت من الماديين فى عملى مكروه عشانى دوغرى وصادق وأمين فى حياتى غير محبوب عشان صريح حبتين قالى بص يا ابنى حبيبتك لا تستاهل حبك لأنها من الطماعين و بالنسبة لعملك وحياتك خليك زى ما أنت و أثبت و كن هادى ورزين ده ثمن بيدفعه الشرفاء فى هذا الزمن اللعين مجتمع أعمى لايرى ولا يفرق بين الغث و الثمين المفروض تكون فخور بنفسك مش تكون حزين خرجت من عند تاجر السعادة و حيرتى بقيت حيرتين هل انا مظلوم فى دينا الظالمين هل أنا الصح و كل الناس غلطانين سمعت الأذان بياذن دخلت الجامع أصلى ركتين ودعيت فى سجودى ان ربى يكون ليا معين
Posted on: Tue, 01 Oct 2013 03:24:17 +0000
Trending Topics
Recently Viewed Topics
© 2015