حال العشاق فالجزائر اول سؤال يتبادر للذهن لماذا تتعاشقو ؟؟ فمثلا تقدر تحسب بعملية رياضية بسيطة لو نحسب كل يوم تفليكسي ديس من اجل الحبيبة تلقى روحك شهريا خاسر 3000 دج = في الحالات العادية= يعني تقدر يصرا مشكل و تضاعف الطلب على الفليكسي يعني المعدل الشهري لانسان ماهو حلاب ماهو قلاب حوالي 4500 دج باحتساب كل الرسوم بالاظافة الى الخرجات يعني مثلا لو سلمنا انك تلتقي بها 3 مرات شهريا =خرجة تاع جورنيا = تخلي 2000 دج يعني عندك 6000 دج شهريا بالاظافة الى بعض اللقاءات التي تاتي ب= وين راكي راني في لافاك نجوز عليك 5 دقايق ايه جوز= تلقى روحك معاها في صالون تشربو كوفي شوب ب 150دج يعني معدل المصروف الغذائي عليها شهريا حوالي 7500 دج مضافة للرسوم الجمركية بالاظافة الى كل هذا لو سلمنا انك انسان مولا خير و تحب تبان ليزوم و منين ذاك تفحفح الخليلة بهدايا مرة على مرة هدايا ثمنها معقول يعني هاذي قرعة ريحة تاع 200 الف هاذي قورمات فضة تاع 150الف هاذا ببون نونورس تاع 100 الف تلقا روحك سنويا خاسر حوالي 5000 دج صافي المخروج العملية الرياضية هي انك لو قلنا مثلا ان هذه الفتاة جبدت معاها 4 سنين بالتمام و الكمال تلقا روحك خاسر 45000 دج فليكسي سنويا كمعدل يعني في4 سنوات 18 مليون الهدايا المحتسبة سنويا حوالي 5000 دج الى 1مليون يعني حوالي 3 ملايين سنتيم في اربع سنوات بالاظافة الى مصاريف الفطور و الخرجات و التغذية مع بعض الفليكساج لهاتفها في الظروف الطارئة تلقا روحك مخلي في اربع سنوات حوالي من4الى 5 مليون سنتيم يعني باحتساب كافة التكاليف تلقا حوالي 30 مليون سنتيم مبحرها في 4 سنوات بلا ما نحسبو الدخان لي تتكيفو كي تضارب معاها او بعض المؤثرات العقلية باش تنسى المشاكل و هذه الارقام مبرهنة بالنسبة لشخص عادي في كامل قواه العقلية اما الحلابين فالتكاليف قد تتجاوز 50 مليون و في حالة خسارتك لكل هذا المبلغ في ظرف اربع سنوات ابغي يخطبها واحد يخدم في سوناطراك و يديها فاعلم اخي الكريم انك خسرت ماشينةكونتي 4برا تاع قهوة او على الاقل شامبرا كوشي بكامل التجهيزات او باغوغ من اجل فتاة بدلاتك بلي خير منك . Speasy
Posted on: Mon, 08 Jul 2013 15:31:09 +0000
Trending Topics
Recently Viewed Topics
© 2015