سؤال من عضوة: مرحبا يا احلى مجتمع. انا حابه احكي مشكلتي يمكن تكون غريبة شوي. رح أحاول اختصرها هلا انا وحدة يتيمة الام والاب و كنت عايشة عند عمي و ما الي الا اخ واحد و عايش بدولة اوروبية و هلا انا معي جنسية كندية . و درست بحامعة بلاردن و حبيت شخص و تزوجنا بس من غير ما عمي يعرف لانو كان رافض و اهلو كمان ما كانو يعرفو . المهم انو ضلينا متزوجين 4 سنين و بحكم اني بدرس بالجامعة عمي ما كان يسال كتير عني ختى لو مرت 5 شهور ما شفتو ما بسال المهم اني كنت عايشة حياة كتير حلوة مع زوجي و عرفني على اهلو على اساس اني البنت اللي رح يتجوزها و كانو كتير مناح معي . و بعد 4 سنين صار في حمل و حكى زوجي خلص انو لازم يخبر اهلو و الكل يعرف انا متزوجين علما انو كان في الو صحاب مقربين كانو يعرفو انو متزوجيني . بس للاسف زوجي توفى في حادث وانا حامل طبعا كانت الصدمة الكبرى اللي لغاية هاي اللحظة مش قادرة اسدها . المهم كان في الو اخ بعرف انو متزوجين حكيتلو اني حامل ة انبسطت كتير. بس بعد بكم يوم غير رقمو و بطلت عارفة اوصلو.. و كانت كرامتي ما بتسمحلي اروح على اهلو واخبرهم . بس بعد ما ولدت حكيت لا عدة أشخاص من اهلو و بعتلهم صورة الولد . بس ما شفت اي ردة فعل الهم .كانو يختفو و ما يردو علي حتى . و هلا صار عمر الولد 10 شهور و هو بشبه ابوه كتير الله يرحمو نسخة عنو. وبعتت صور لا ااهلو عن طريق الفيس برضو ما بردو علي ليش ما بعرف نفسي اعرف شو السبب مع العلم انو انا مش محتاجة ماديا الحمدالله وضعي كويس وبقدر اصرف على ابني . ومشان ما تسالو وين عقد الزواج احنا كتبنا االكتاب برا الاردن و ما وثقنا بمحكمة الاردن. وانا ولدت في كندا ونسبت الولد لا اسمي انا . وهلا انا مو عارفة بس يكبر ابني شو احكيلو و نفسي افهم ليش اهلو هيك بعملو
Posted on: Wed, 20 Nov 2013 07:11:06 +0000
Trending Topics
Recently Viewed Topics
© 2015