شوف سي فلان ... إذا كان انتي بوك يحطلك عشرة الاف مصروفك كل صباح وتلقى فطورك كرواسون وعصير وكل جمعة مماتك تشريلك تبديلا وفي العشا تاكل لحم وحوت ... أنا الله غالب بابا كيف يقوم الصباح ميخللي حتى فرنك وكيف أنا نقوم ونلقى خبز وشامية نحمد ربي ونشكرو ونهار إلي منلقاش فطور نحمد ربي زادة ... ودبش إلي تراني به ليوم تراني به بعد شهر ... مش خاطر أمي و بابا يكرهوني بالعكس نعرف كان يقدرو يعطوني الدنيا وما فيها أما الله غالب ربي كما كتبلك إنت بش تعيش في العز أنا كتبلي نعيش زوالي ... مصروفي نعرق عليه ودبش نجيبو بذراعي ... إنت على فلوسك 100 طفلة تبع فيك ... أنا حتى أنثى بش تخمم تدور بيا خاطرني كما تقول إنت " مزمر " ...أما الحمدلله معنديش صحاب مصالح هكى علاه الأشكال إلي كيفك مهمش أصحابي ... أنا وقت إلي اطيح بيا نصنع روحي و نجيب الفلوس ونتي وقت إلي اطيح بيك تمشي تجري لبباتك أعطيني ... إنت أحلامك تكسب شركات وتصوحب أقوى بنات وتعمل أقوى ميكانيك ... أنا أحلامي نكسب لقمة حلال ونلقى بنت حلال ترضى بوضعي... إنت وقت ترقد تتعدى في طويل وتاخذك عينك ... أنا وقت نرقد نخمم في ألف حكاية و حكاية ... إنت مستقبلك يصنعهولك بوك ... أنا مستقبلي نبنيه بيدي ...تربينا رجال ...و نعيشو رجال...
Posted on: Sun, 25 Aug 2013 01:37:03 +0000
Trending Topics
Recently Viewed Topics
© 2015