ضحاكة و صاحبة جو...عاهرة تخرج تبدل الوجوه و تشوف الدنيا... عاهرة عندك تاتو حتى صغير... عاهرة تلبس حجاب مرة و تنحيه... عاهرة تلبس jupe طويل ولى قصير... عاهرة تعمل برسينغ... عاهرة تتصرف سبونتاني بلاش نفاق... عاهرة تتكيف... عاهرة تزلق و تقول كلمة زايدة... عاهرة تلبس طالون... عاهرة تخرج في مظاهرة ... عاهرة و أنا مازلت ما فهمتش هذا الكل آش دخلو في العهر ؟ مجتمع عندو مشكلة في فهم المصطلحات و حطانها في بقعتها...العاهرة هي اللي اتاجر ببدنها سواء بطريقة مباشرة كيف الماخور أو بنات الليل و الا اللي تخرج مع واحد بش يصرف عليها و يولي الشيفور تاعها و هو يخلص لحم ... بالنسبة ليا أي مرا تلبس الي تحب تتكيف تعمل تاتوواج صاحبة جو... مرا قاعدة تستعمل في حريتها و قاعدة تعيش ، و كل واحد عندو العقد الشرقية تع الرجولية وجايبها الطيب نقلو حريتها الشخصية و ماعندو حد الحق يفرض عليها حاجة... و الغريب أنهم تلقاهم يجريو يتلهمڨو على ريحة الأنثى و الأغرب تلقاه معرس بڨاورية فاقدة عذريتها ملي عمرها 12 سنة و يبدى فرحان و زاهي و شايخ و لاعبها حاجة كبيرة و جاب الصيد من وذنو أذيكا ماهيش عاهرة، أما بنت بلادو إلي حبها و تحبو وعدات صغرها معاه، يعرفها على شنية تمشي و تجي أما غلطت تسخايلو راجل يعمل عملتو فيها و يلعب بيها كيما يحب و في لخر يقلها عاهرة... ما جبت شي من راسي هذا كلو من الواقع و باقي حشا البعض الشاذ يحفظ و لا يقاس عليه.
Posted on: Sat, 31 Aug 2013 12:54:21 +0000
Trending Topics
Recently Viewed Topics
© 2015