#طنطا | تحذير هااام جدا | للمرة التانية ننزل شكاوى توصل للنيابه من مستشفى دار الشفاء. المرة دي مش حالة فردية زي اللي فاتت لأ دي حصلت لكذا شخص - اللي حصل ان كذا طفل مولود عندهم مات بسبب الاهمال (على حد شكوتهم للنيابه )ومعانا حالتين منهم: الحالة (1) الطفل يوسف محمد خليل اتولد في الشهر 7 تحت رعاية د (م .ع) لنقص في وظائف الرئة وكان بيأكد ان الحالة مستقرة وان كلها اسبوعين ويخرج بالسلامة. لكن الطفل حالته اتدهورت نتيجة نظام علاجي خاطئ واهمال من الدكتور بشهادة الاطباء اللي في الحضانة وكان بياخد 150 جـ عشان يدخل يبص عالطفل 5 دقايق . واللي حصل ان الطفل دخله ميكروب عن طريق الدم نتيجة اهمال التعقيم وحصل تسمم للطفل دا والطفل اللي كان معاه في نفس الحضانة, الدكتور خاف لما لقى الوضع كدا قال لوالده انت ممكن تنقله اي مكان تاني عشان يتهرب من المسئولية - وبعدها بشهرين توفوا الاتنين في نفس التوقيت ونفس الميكروب. الحالة (2) الطفل ياسين اللي د.(و.خ) حددت معاد ولادته غلط على انه في الـ 9 وهو اصلا كان في الـ 8 وتمت العملية قيصري ونزل غير مكتمل النمو وقالت الدكتورة انه بصحة جيدة وانه مكتمل. وطبعا دا كان اي كلام واهله عرفوا كدا من طبيب الاطفال في غرفة العمليات وفي الاول رفضت الدكتورة تدخله حضانة وبعد مشاكل 9 ساعات والطفل فاقد الوعي ومش مستحمل الاوكسجين العادي وبسبب الاهمال حالة الطفل كانت بتتدهور وخرجوه من حضانة لواحدة تانية و د (م .ع )كان بيشرف برده عالحالة - وللاسف توفي .. ربنا يرحمهم، الكلام ده على عهده اهالى الاطفال اللى ماتوا والتقارير معاهم بتثبت كده والحالات دى عملت محضر والنيابه هتحقق فيه . لايك وشير البوست في كل مكان واكتب اي تجربة مريت بيها مع المكان دا . وحق الرد مكفول.
Posted on: Thu, 12 Sep 2013 21:50:43 +0000
Trending Topics
Recently Viewed Topics
© 2015