عامة بقي انا ححكي اللي انا شوفته بعيني مش بشير حاجات و انا قاعد ف التكيف و بما اني معروف اني كداب و منافق و اخوان و واخد النهاردة بس 1000 جنية ف متصدقنيش اولا نزلت انا و Ahmed Adel عند مساكن الجامعة و مشينا ف المسيرة كانت سلمية جدا و مفيش فيها اي حاجة هتفات بس و بعدين وصلنا ل مستشفى الطوارئ و الاعداد كبيرة و علي فكرة ف ناس كتييير مش اخوان و ضد اللي بيحصل المهم عند الطوارئ سمعنا صوت خرطوش و فجأة الغاز اترمي جنبنا تمام فجأة لقيت ماسك ف ايدي والناس بتجري_بالمرة بس ف سوبر مركت اتكسر و احنا بنجري علشان لو حد قالك الاخوان كسروة_المهم عادل جتلة ازمة من الغاز ف جرينا علي شارع جانبي اللي قدام الجهاز الهضمي دخلنا بيت هناك نستخبي قعدت اخبط علشان حد يجيب ماية علشان الراجل اللي جاتلة ازمة محدش بيفتح راجل نازل يشيل عربيتة جاب ماية و كان شاكلة خايف مننا المهم جه كمان 3 4 رجالةو 3 بنات استخبوا بعديها الراجل قفل البوابة علينا بعديها ب نص ساعة طلعنا لقيت الشرطة برة و في بلطجية طلعت اتكلم معاهم و اسالهم ف اية و عامل نفسي انا و عادل من بنها المهم وانا واقف شوفت راجل بيتكلم ف الموبايل بيقول لواحد تاني معاك سلاح ولا ابعتلكوا. وكدة ف انا سألتة انت باعت ناس علشان تحمي الشرطة !!! قاللي نعمل اية يعني. رحنا بعد كدة قلنا نروح ف مشينا من كلية اداب انا شايف تريسيكلات ماشية و كلها بلطجية رايحة ف التقاطع مع احمد ماهر و معاهم سنج و خراطيش وانا كداب و متصدقنيش. المهم حصل تبادل لضرب الخراطيش من الجهتين اه المسيرة دلوقتي ف احمد ماهر. بس مشيت بعد كدة ف نص الترعة قابلت واحد صاحبي انا و عادل من المدرسة راجع من الصيدلية و عمال يقول الاخوان و مش اخوان فجأة لقينا اتنين يلطجية ماسكين راجل محترم و كل واحد معاة سيف فلقيت صاحبنا اللي مش عاجبة الاخوان ببقول علي فكرة البلطجي اللي علي اليمين د تاجر حشيش و انا عارفة!! و علي فكرة عدي 4 عربيات جيش و شرطة و شافوا البلطجية و سابوهم. انا بحكي اللي انا شوفتة غير كدة معرفش والله اعلم
Posted on: Fri, 16 Aug 2013 14:40:40 +0000
Trending Topics
Recently Viewed Topics
© 2015