عيد سعيد ع الأحرار بس مش ع العبيد.. عيد سعيد على كل اللى صلى وصام وأطاع ربه وبر والديه.. عيد سعيد على كل واحد قرب من ربه ومقضاش الشهر مسلسلات.. عيد سعيد على كل واحد مافوضش ارهابى يقتل اخواته المسلمين حتى لو مختلف معاهم.. عيد سعيد على كل واحد بيختلف بأدب ومابيسمعش من طرف واحد.. على كل واحد فاهم يعنى ايه دكاترة ومهندسين وأساتذة جامعة مش اخوان وسايبين بيوتهم وشغلهم وبيباتوا فى الشارع وواقفين فى الحر والصيام ضد الإنقلاب.. عيد سعيد على كل واحد فاهم يعنى ايه ثورة ويعنى ايه انقلاب. فاهم ان مفيش ثورة مدتها ست ساعات ومن غير ضحايا ولا مصابين.. فاهم ان مفيش ثورة على النظام وتلاقى النظام كله بداخليته وعسكره وإعلامه كله معاك.. عيد سعيد على كل واحد فاهم يعنى ايه ينداس على صوته وحقه فى ست انتخابات.. عيد سعيد على كل اللى فاهم يعنى ايه حكم عسكرى. يعنى صوتك مالوش قيمة.. يعنى لجنة تتعين تكتب دستورك.. يعنى اعتقالات لأى حد بدون قانون.. يعنى قنوات وصحف المعارضة تتقفل.. يعنى أى صوت معارض يتخرس.. يعنى ميزانية بلدك ماتعرفش عنها حاجة وفلوسك تتنهب.. يعنى الفلول ودولة الفساد ترجع وأمن الدولة بظلمه وجبروته يرجع.. يعنى خلال شهر واحد: العلاوة تتلغى.. وكادر الأطباء يتلغى.. وزيادة المعاشات تتلغى.. ونفط بلدك يتباع خام بأقل من سعره.. والحكومة تقترض من البنوك أعلى نسبة اقتراض.. يعنى أزمة الكهربا ماتحلتش ووزيرها ماتغيرش.. عيد سعيد على كل واحد بيفكر ويقرأ ويدور على الحق ويقول جايز يكون تفكيرى غلط فيا رب نورلى طريقى.. كل سنة وانتم أحرار وطيبين.. وعيد سعيد..
Posted on: Wed, 07 Aug 2013 15:11:00 +0000
Trending Topics
Recently Viewed Topics
© 2015