فيلم " موت أميرة " فيلم بناقش توقيع حكم الاعدام الشرعى بتهمة الزنا على اميرة من العائلة المالكة السعودية و على شاب كانوا ناويين الهرب و الزواج بالخارج و لكن تم الامساك بيهم فى المطار بعد ما اتنكرت الاميرة بملابس شاب و توقيع حكم الاعدام على الاتنين بعدها بايام فكرة الفيلم بتدور حول احداث حقيقية حدثت للاميرة مشاعل بنت فهد بن محمد آل سعود لما تم اعدامها فى عام 1978 و دة بعد اتهامها بالزنى لمجرد انها اتمسكت بالمطار وكان اصحاب الاتهام من العائلة المالكة نفسها و هنا بنعود ان المحققين فى الامر اكدوا ان الاحكام الاسلامية لم تطبق مع هذا الاتهام ( شهود اربعة بالجرم المشهود ) و لكن تم تنفيذ الحكم مباشرة فى نفس اليوم بعد اعتراف مشاعل للمحكمة و تم فعلا الاعدام لاميرة و للشاب الفيلم وثائقى انتاج 1980 و يعتبر من اهم الافلام الوثائيقة اللى بيسرد قصة حقيقية استنادا لشهود و للقاءات غير رسمية مع امراء و افراد من العائلة المالكة رفضوا ذكر اسمهم او حتى التلميح باسلوب حياتهم للتوضيح مين صاحب الشخصية فاصبح الطريق الوحيد لظهور المعلومات هو بتمثيل الاحداث بصورة سينائية و تم الاستعانة بكتاب للسيناريو بعد هيكلة قصة للفيلم و تصويره فى اكتر من بلد عربية و اوربية الجوهر من الفيلم هو معرفة الحقيقة و هل من الصائب تنفيذ حكم بالسرعة دى الى ان التحقيق هيكشف ان المحقق الاساسى ( كريستوفر رايتر ) اكتشف ان الاميرة كانت مخطوبة بالفعل رغم الاحداث دى و كمان اكتشف تفاصيل العلاقة الغرامية و عرضها بصورة واضحة للجميع الفيلم تعمق فى حقيقة الحكم الاسلامى اللى بيطبقة المجتمع السعودى بزيادة عن ذلك فضح روايات من الطبقة الخادمة للاسرة الحاكمة عن ممارسات غرضها جنسى و ابتزازى فى بعض الحالات من نفس الاسرة و المجتمع اللى اتهم الاميرة فجعل من الفيلم اداة لبداية الغضب السعودى فى كل الاتجاهات السياسية و الفكرية لمنع الفيلم الغضب حول الفيلم كان شئ بديهى خصوصا ان الفيلم معظمة ممثلين مصريين و عرب مشهورين منهم سوسن بدر و محمد توفيق و صلاح جاهين فتم منع بعضهم من دخول السعودية و البعض الاخر قام بتغيير اسمه جذريا . و الاغرب الهجوم على منازلهم وتهديدهم بالقتل و منع منتجين للتعامل معاهم . لكن كل دة خدم انتشار الفيلم بعد ما اهتمت بيه كل الاوساط فيلم اهتميت بيه و هيعجبك جدا خصوصا ان عدى سنتين من ساعة اخر مرة شوفت الفيلم القصة و المحتوى جرئ لكن هو حقيقة جارحة جدا للاسف لان الفيلم كان منصف مع الجميع
Posted on: Sun, 21 Jul 2013 23:27:49 +0000
Trending Topics
Recently Viewed Topics
© 2015