كلمة لله ....أو هكذا اظن ---------------------------- بعد سننين ونص من الثورة - أو ايا كان اسمها - اما بفكر في الوضع الحالي وسط ردود الفعل المختلفة . برجع اعيد المشهد بشوية تفكير وهدوء اعصاب الثورة فعلا اظهرت اسوأ ما فينا بكل معني الكلمة .. و"فينا" تعود علي المجتمع ككل . بكل طبقاته ومؤسساته - افراده -حكامه -اتجاهاته و و و من يوم لبسة المجلس العسكري في انعقاد دائم والخطاب الاول والهري ده ... والفرحة اللي كانت موجودة ساعتها واحنا مقسمين بشكل غريب . تصنيفات عرقية وسياسية وغيره ودي كانت البداية -الزبالة- لأغلبنا عالاقل....ـ اخوان وسلفيين وعلمانيين وليبراليين وغيره- شهداء ماتو ومزايدات رهيبة - بداية التغيير ومجلس الشعب - طلعو كلامنجية ومفيش لاحقوق شهداء ولا نيلة - فترة حكم عسكري اسوأ من سابقه - اعلام اقل مايوصف بأنه قذر . تأثر الشعب بالاعلام بشكل كبير ...وتكوين ارائك ... ثم اصدقائك بناء علي التوجهات والميول انتهت - او تصورنا عالاقل - انه فترة العسكر الزبالة انتهت الي غير رجعة بانتخاب مرسي اول رئيس مدني منتخب بعيدا عن الاسباب والامال الدافعة للانتخاب ... لتاني مرة في سنتين .. فرحة كبيرة تعم الشارع المصري وتصور تاني ان الحياه هتبقي وردي وزي الفل للمرة التانية ... الجانب الزبالة بيطلع رئيس فاشل . فلول في كل مكان وكل المؤسسات - اعلام اقذر من الاول- جماعات بقيادات نسبة كبيرة منها متغطرسة -اساءة للدين ,, ومعارضة حقيرة الا من رحم الله - استغلال علني لتمرير قوانين وقرارات في الزحمة - انفلات امني - اخلاق كتير جدا مننا زبالة الزبالة وعلي كل المستويات ,, سواء كنت فرد مسؤول عن نفسك بس او مسؤول عن مجموعة من الناس - بتتكلم في الشارع او في التليفزيون , معادتش بتفرق ناس مش عاوزة تشتغل - وناس بتستسهل بالحرام - وناس عينها عالكرسي واقنعة كل يوم بتسقط اكتر وناس .. ودول كتير بقي .. بتبيع مبادئها وهتعيش طول عمرها حقيرة . ووصل عددهم, اني اشوف -اغلب بتوع الثورة- بيبعو . رغم انهم بالنسبالي .. كانو الصفوة الباقية في الليلة كلها وبعد سنة من كل التشابك ده .. ومن قبلها 30 50 70 سنة ايا كان كانت هي سبب رئيسي نوصل ل ده . وبعد ماناس كتير جدا -وعادية جدا- . محستش بتقدم . كان الطبيعي يحصل اللي حصل يوم 30 اللي مكانش طبيعي ومتوقع بالنسبالي . ان نقتتل كشعب عادي من اجل ناس تانية هما اللي بيكسبو كل حاجة . اخر ماتوقعت كل اللي اقدر اقوله .. بعد البيان الجميل الظريف .. وفرحة الناس "للمرة التالتة" في 3 سنين والوعود والامال تاني .. معلش اصل هي لازم مرة في السنة :) انا مش فرحان . بس مش شايفها سودة مش فرحان لاني شايفنا كلنا محتاجين تغيير داخلي مش طبيعي لاني شايف انقسام كبير جدا لاني شايف تخوين غريب من الناحيتين . وسببه الناحيتين والمستغلين الكتير اوي ليه مش سودة؟ لاني اقتنع تماما انه "وأن ليس للإنسان الا ماسعي, وأن سعيه سوف يري" لاني شفت كذا مرة الشعب بيسعي وبيعمل ما في وسعه ويرفض الظلم بأدواته البسيطة لاني شفت الناس نزلت في الحر لصناديق الانتخاب كذا مرة في كذا مناسبة ومحاولة عالاقل لبناء مستقبل افضل ولاني اعرف ناس كتير صحابي ومش صحابي بيحاولو -من قبل- و فيه ناس -من بعد- الثورة... ولغاية النهاردة يعملو حاجة ويغيرو ف نفسهم واللي حواليهم وفيه ناس لسه بتتقي ربنا وناس لسه بتجتهد للوصول للأفضل ولو أخطأت - الي صديقي المؤيد للشرعية . انت من قلت "ان الحكم الا لله" ولن يكون في ملك الله الا من اراد الله .. فإن كنت صادقاً , صادق التوكل علي الله مش هتقلق ولا تخاف وعزيزي المبسوط الفرحان الشمتان أو أيا كان . متفرحش اوي كده .. لانه احنا شفنا وعود كتير اوي من كل الناس . والحقيقة محدش قدم لنا حاجة . فإهدي حبة رسالة للكل . فقط كن "الهادئ - الحذر" ولا انك تمسك للناس عالواحدة . ولا تكون مختوم علي قفاك --------------------------- كلمة اخيرة قلقان طبعا من الفترة الجاية .. ولكني متفائل لأني مقتنع تماما انه لو رأي الله منا "ولو بقية من خير" . فلن يخذلنا ابداً . لو كانت الاخري . فاحنا نستاهل انتهي Enas Abd Elrahman Abd Elrahman Mohammed Abdulrahman Fawzy Eng Fatma Sara Ali Aisha MatarMohammad Amr Angham Saeed امل رمضان Sameh Reda El Nabawy
Posted on: Wed, 03 Jul 2013 20:45:51 +0000
Trending Topics
Recently Viewed Topics
© 2015