كملوا نحكيوا مادة الفلسفة من امتحان الباكالوريا، و طلعولنا أولادنا بهايم بدرجة ممتاز... عام الباك متاعي (1971) نقرى في الفلسفة عند قس مسيحي و في التفكير الإسلامي عند أستاذ تونسي ـ سي حسن المحجوب ـ الله يرحمهم الزوز... سي حسن يفهم فينا في فلسفة التفكير الإسلامي اللي مبنية على التسليم بوجود الله (موش أي إله) و صحة الرسالة المحمدية، و، وووو.. عاد كنت نشاغبو و نقلو: يا مسيو هات نثبتوا الساعة صحة ها المسلمات و من بعد نحكيوا... كان راجل طيب لأقصى الحدود و على هذاكة ما يتقلقش مني بالكل... يقلي لا، منهجية المادة هذي تقتضي أنك تقبل الساعة المسلمات هذي و من بعد تنجم تنقد من داخل المنظومة... كثرت عليه (و هو في نفس الوقت مدير المعهد) ، جاني نهار و قالي: اسمعني يا وليدي، أنا نرخصلك باش ما عادش تحضر في الحصة متاعي و ما نقيدكش غايب، لكن على خاطر امتحان الباكالوريا، خلو البرنامج الكامل متاع المادة حضروا في الدار... صحيح ما خسرت شيء باعتبار أنو المادة هذي معفطة برشة و لا تصلح لا للنويح لا للنديب ... آما يجي اليوم وزير قومجي ريحتو فايحة بالإيمان النهضاوي و التلحيس الديني و يحب ينحي مادة الفلسفة من امتحان الباكالوريا، تولي بالحق مصيبة معرفية بكل المقاييس.
Posted on: Tue, 19 Nov 2013 12:59:47 +0000
Trending Topics
Recently Viewed Topics
© 2015