كنت فى طريقى ﻷصلى العيد مع أخى الحبيب ضياء بدور بساحة مسجد الصديق بالمشاية، لكن لﻷسف تأخرت، ولشدة الزحام توقفت السيارات تماما واضطررت للنزول والصلاة بنادى جزيرة الورد :D كانت أشبه بحفلة تنكرية أو مسابقة لغض البصر، الفائز فيها من يغمض عينه، لإنك لو حاولت تغض بصرك بالطرق العادية هتشوف رجل من هنا على شعر من هناك على دبوس من هنالك، هتكون جمعت أجزاء الفرخة :D واكتشفت انى الملتحى الوحيد فى المكان، كأنى جاى من كوكو تانى :) ، اللى كانوا بيصلوا جنبى واحد لابس برمودا أو بنتاكور والتانى لابس شورت :) بعد الصلاة انفجرت ماسورة المتبرجات فى الشارع ، اتجهت لسيارتى، إلا أن السيارات كانت تقف فى مشهد هندسى عبثى والطريق متوقف تماما، وأصوات السيارات تعلوا بألوان مختلفة من اﻷغانى، وخطبة العيد مازالت مستمرة وسط اﻷغانى والمعاكسات والمتبرجات، المهم قلت أحن على العربية وامسحها مادام كده كده الطريق واقف ولأنى فى الغالب لا بمسحها ولا أوديها المغسلة غير لما تكح تراب :) وانا بمسحها جه صاحب العربية اللى جنبى ونظر لى نظرة خاوية وهو يتثائب قائلا : طوق دى معاك يا برنس :D مشيرا برأسه إلى سيارته، مع انى كنت لابس كويس ومسرح شعرى :) بس تقريبا شكلى مدى على سايس :) معرفش ليه ابتسمتله وقلتله عينيا يا باشا، كل سنة وانت طيب :) وبعد ما طوقتله العربية مد ايده فى جيبه وتقريبا طلع 2 جنيه، قلتله لا شكرا كل سنة وانت طيب، لقيته طلع جنيه كمان وهو قرفان وقالى : امسك يا عم :) قلتله يا حبيبى أنا كنت بمسح عربيتى جنبك، فانت افتكرتنى السايس، قالى يانهار ابيض أنا آسف والله يا باشا، أصلى مطبق من امبارح ومش شايف قدامى، طب ما قولتش ليه! قلتله ياعم عادى أخوك ومسحلك عربيتك :) #خد_الدنيا_ببساطة #ماتعقدهاش #حلو_دور_السايس #ماتصليش_فى_نادى_جزيرة_الورد #غض_بصرك #العيد_فرحة وبرضه #يسقط_حكم_العسكر #مكملين :)
Posted on: Tue, 15 Oct 2013 06:02:54 +0000
Trending Topics
Recently Viewed Topics
© 2015