لسه جاى من رابعه ركبنا مينى باص كنا 9 رجاله كده مع بعض ومن قدام راجل وزوجته المهم السواق راح ساب طريق النصر اللى قدام جامعة الازهر وساب كمان طريق صلاح سالم وراح لف فى شارع كده خلفى بيودى على الحرس الجمهورى على طول احد الاخوة معانا قلق من الحوار ده وقله وقف هنا انت رايح فين قله رايح صلاح سالم علشان بس هنا زحمه طبعا هو بيشتغلنا وفكرنا من الارايف ومش عارفين الطريق المهم وقفناه عافيه ونزلنا كلنا المهم الغالب من كل الناس اللى نزلت ان الراجل ده مودينا الحرس الجمهورى ودى حصلت كذا مرة فى اماكن مختلفه يوديك فى حته سد وتفاجئ بشرطه او بلطجيه فى انتظارك الشاهد هنا متركبش مع السواقين فى اتجاه غير الطرق الرئيسيه المعهوده الاخوة الى جايين من الارياف والصعيد ياريت يسؤلوا كويس ويكون فى حد معرفهم الطريق حاجه مهمه العربيات اللى قدام رابعه وبتحمل اسكندريه وطنطا وغيرة ياريت محدش يركبها ولو انت مش جاى مع عربية مخصوص وكده اركب لحد رمسيس وبعدها اركب اى حته زيك زى اى حد فى الشارع ناس كتير الفترة دى حصلها كده واتخادت فى اقسام الشرطه ما بين سحل وضرب وما بين تلفيق تهم وقضايا ياريت الناس تفهم بعض ضرورى وتنشر المعلومات دى علشان محدش يحصله اذى احنا النهارده كنا هنروح فى ابو نكلا !!!!!!!!!!!!! منقول #يوسف المنسى يتحدث
Posted on: Mon, 22 Jul 2013 03:04:21 +0000
Trending Topics
Recently Viewed Topics
© 2015