مش عيب أو غلط أننا نختلف في الرأي و لكن الغلط انه الخلاف ده يوصلنا لحرب و يخلينا نكلم بعض و نشتم بعض،،على فكره انا قلقانه جداً بعد لما الناس في رابعه ترجع بيوتها تاني ازاي المصريين حيعيشوا في نفس المكان و الشارع مع بعض و بينهم كل الغضب و الكره ده،،انا لما بشوف الناس الغلابه و الستات و الأطفال في رابعه على التليفزيون بشوف أنهم مصريين و بس و مش هما دول الي بيعملوا العنف للاسف الي بيقوم بأعمال العنف قياداتهم و صعبان عليه انه الجار حيرجع يعيش جنب جاره و ممكن يكون بينهم طار و دم لانه ابنه اتصاب أو استشهد على ايد جاره،،،،انا مش عارفه إيه لازمة الهجوم عليه و الشتائم الي بتتبعتلي كل شوية،،،انا ماليش اي اشتراكات في السياسه و لا عمرها استهوتني و عمري ما فرقت بين مسلم و مسيحي ، سلفي أو ليبرالي أو إخواني،،انا بتعامل مع الكل أنهم مصريين و بالذات مع المصابين في الآخر هو إنسان و مصري مصاب مهما كان انتماؤه السياسي أو هويته واجب علينا إنقاذه و خدمته ،،،بس انا لما بشوف حاجه لازم أقول شهادة حق ربنا ممكن يحاسبني عليها،،،انا قلت شهاده حق شفتها قدام عيني آخر فتره و كان لازم أقول إيه الي إحنا بنشوفه مع المصابين لانه ده حقهم عليه و بالرغم كده انا لما دخل عليه مصاب من مؤيدي الشرعية اقتحم ميدان التحرير علشان يضرب ناس عزل ليس معهم سلاح و اضرب نقلناه المستشفى و لم افرق في معاملته عن اي مصاب آخر، سيدة،،،انا بحب احترم كلام و عقيدة و وجهة نظر اي شخص لو كان كلامه عقلاني و زي ما قلت مش غلط و لا حرام أننا نختلف بس الغلط انه الاختلاف ده يؤدي الى حرب و ضغينة،،،محدش فينا ممكن يقبل انه المقتول يكون شخص سلمي اعزل من السلاح و خصوصا لو كان طفل أو أمراه انا قلت الدم كله حرام و قتل نفس بغير وجه حق أعظم عند الله من هدم الكعبة و من أحيا نفسا فكأنما أحيا الناس جميعا و كل المصريين الي نزلوا امبارح انا متأكده أنهم بيقولوا كلامي ده و مش حيرضوا بأي مذابح و لا دم،،،، انا حزينه و قلبي واجعني على جنودنا ال ٣٠ شهيد الي استشهدوا في سيناء الأيام السابقة على يد جهاديين، و على الشباب المصري الي اتقتل امبارح سواء على يد مؤيدي الشرعية او الشرطة،،،،و محدش يقول لا لانه كلا الطرفين بيضرب و معاه سلاح ،،و معرفش مين الي ابتدى بس اللوم يقع على الطرفين ،،و ردا على الناس الي للاسف سكتت،و يا ريت مننساش ميلشيات الاخوان الي ضربوا و قتلوا الناس و الستات و ربطوهم في سور الجامع في الاتحادية يناير الي فات و ليه وقتها محدش ثار و فتح بقه بكلمه و لا حتى مرسي و اكتفى انه قال اننا متكفلين بمصابينا بس للاسف ده كان كلام و رفضوا ادراجهم في صندوق المصابين حتى الي اتشلوا شلل نصفي منهم بسبب اطلاق الرصاص الحي الي استخرجناه من النخاع الشوكي لمحمد و تسبب في شلله،،،ده انا و فريقي عالجنا مصابه اسمها فاطيما اضطربت في وشها كسروا عظام وشها و منخيرها و ركبنالها ١٧ مسمار في وشها،،،و برضه عالجنا عزه هلال الي اضربت و انسحلت ايام مجلس الوزراء من أفراد من الجيش و برضه عالجنا اطفال و شباب ماتوا قدامنا يوم مذبحة شارع عبدالمنعم رياض لما مويدي الشرعيه هجموا على ثوار و شباب عزل سلميين بلا سلاح في التحرير و فوق كبري اكتوبر و على فكره انا كنت واقفه هناك في الميدان و الشباب بقه بيوقع قدامي مضروب برصاص حي و برضه برجع أقول اني ضد ضرب ناس عزل سلميين مهما كانوا بينتموا الى اي فصيل ،،، كفايه دم المصري كله حرام حراااااااام،،،و لو جالي بلطجي متصاب أصابه بالغه حعلجه لان ده حقه عليه كإنسان مقدرش لو بأيدي أني أساعده انه مايمتش مش حفكر و لو لثانية في ده لأني انا اخترت أني اكون إنسانه مش حكم و لا قاضي و لا جهة تحقيق و علاقتي تنتهي بيه مع نهاية علاجه،،،و للعلم إحنا حاولنا نشوف إيه المساعدات الي ممكن نقدمها للمصابين امبارح من الجهتين و لو اطلب منا أننا نساعد أما و فريقي في ألمساعده لإنقاذ نفس لن نتوانى عن ذلك حتى و لو كنا مختلفين معاه سياسيا لا إنسانيا
Posted on: Sat, 27 Jul 2013 22:32:30 +0000
Trending Topics
Recently Viewed Topics
© 2015