مصرى وافتخر . I am Egyptian and proud بلد العجايب .. لما دومة ياخد براءة مع انه شتم مرسى وحرض على حرق مقر الاخوان بالمقطم .. وحسن مصطفى (6 ابريل) اللى شتم وكيل النيابة لسه فى السجن بلد العجايب .. لما تبقى الناس اللى فى رابعة كلها ارهابين وولاد ستين فى سبعين لكن الاتحادية سلميين وبيتقابلوا بالورد والمية بلد العجايب .. لما تقفل قناة زى الرحمة وتسيب الفراعين واون تى فى بلد العجايب .. لما عكاشة طليق وهو عليه امر احضار من النيابة وطلع لسانه على الهوا بلد العجايب .. لما تلاقى لواء شرطة (خبير امنى طبعا) يقولك انا مع رجوع امن الدولة والله يمسيك بالخير يا حبيب يا عدلى بلد العجايب .. لما تعتصم فى التحرير او مجلس الوزراء او مجلس الشعب او وزارة الثقافة تبقى سلمى وبطالب بحق لكن معتصم رابعة بيعطل المرور وبيأذينى !!!! بلد العجايب .. لما تلاقى عز حر وكل قيادات الحزب الوطنى براءة .. وتلاقى كل القيادات الاخوانية فى السجن !! بلد العجايب .. لما تلاقى سوزان حرة طليقة لكن زوجة مرسى تحت الاقامة الجبرية !!! بلد العجايب .. انى كل الناس اللى كانت ضد ثورة يناير بقت فجأة مع ثورة يونيو خليكم شايفين بعين واحدة .. شايفين بعين المصلحة بس .. الدنيا دوارة والتاريخ هيفضح
Posted on: Sat, 20 Jul 2013 17:12:10 +0000