ملحمة الدّغباجي ...الخمسة الي لحڨوا بالجرّة " لا تخشي علي يا أمي فإني لا أخاف رصاص الأعداء، ولا أجزع من الموت في سبيل عزّة وطني.." ـــــ الشهيد المجاهد " أسد الجنوب التونسي " محمّد الدغباجي رحم الله شهداء و رجال تونس الاحرار. و لعن الله كل من سعى لتغييب و تشويه تاريخهم النضالي ليكتب لنفسه تاريخا مزيفا لا يستحقه. من الخاصيات الفذّة للشّعر الشعبي أنه يوثق الأحداث التي تمس الناس في الصميم، و الشاعر يتوصل بشاعريته أنه يعطي للأحداث البعد الذي يتجاوز الحدثية و يدخل به التاريخ و يبقى بفضل تلك البلاغة و الخيال الشعري راسخ في الذاكرة أجيال وأجيال. شعر المعارك أو مثلما ما هو دارج عند الشعراء شعر الخطاري(جمع خطرة) أو الملاطم (جمع ملطم) و معناها المواجهة من الأغراض التي أخذت مكانة في فترة المقاومة للاحتلال الفرنسي و تواصل مع الحركة الوطنية باستمرار حتى أوائل الخمسينات. الملاحم التي ارتبطت بمحمد الدغباجي " أسد الجنوب " في المعارك التي خاضها مع الفرنسيس عديدة، غير أن القصيدة التي تصف ملطم " مخزن مطماطة " من أرقى ما يقال . الشيء الذي جعلها تبقى على الألسن و في الذاكرة الجماعية. جو خمسة يقصوا في الجرة*** وملك الموت يراجي و لحقوا مولى العركة المرة*** المشهور الدغباجي *** فزعوا خمسة بربايعهم*** تايجيبوا الفلاَّقَة مخزن مطماطة ينجِّيهم*** لثرنهم بنداقة الكيلاني يتحلَّف فيهم*** بحلالة و طلاقه الدَّالة الفلاَّقة نمحيهم*** في واسع رقراقة ضربوا الخمسة وحبوا إيديهم*** زفُّوا زفْ تلاقى كذب الوسعة يقصر بيهم*** زي هدير الناقة تاو ان يتلاقوا يقضيهم*** بوسربة شلهاقة زي الذيب يمزِّل فيهم*** ويلالي ويهاجي كان التل يخبَّر بيهم*** وجواب البسطاجي. *** فزعوا حمسة فوق حصُنَّة*** من مخزن مطماطة وقالوا هاهي الجرة منا*** وجَوا في اوّل شوَّاطة الدَّغباجي قاعد يستنّى*** طاح لهم وتواطى فيده ستوتي يلدغ سِمَّه*** دار فيهم شاماطة صُبْعَه والقرَّاص يلمَّه*** يعجل ما يتناطى واللي ينُوشَه يا ويل أمَّه*** فاح قتار اشياطه يجي مرمي مصبوغ بدمَّه*** سِمْ منحَّس لاطه مسَرْجِي بيت النار بضمَّه*** وشُغْل الحربي ساجي ومولاها كبير آصل وهمة*** وعنده الكيف مقاجي *** نهار الخمسة لحقوا خمسة*** و للهم حامي ربِّي صباح إلْ ما زرقتشي شمسه*** اللي يقتُل ما يدِّي يا لاحق مكناتك همشة*** ظنِّي فيك مغدِّي اللي يصبح منكُمْ ما يمْسَى*** الدغباجي متنبي سرجاها بستوتي نَمْشَه*** لقداهم متفاجي معاها يتكلم بالرَّمْشَة*** ويحكم بالكِفاجي *** جو خمسة يقصُّوا في الجرة*** و ملك الموت معاهم راميهم شيطان بشرَّه*** على تبزيع دماهم قِرْحوا يحسابوها غِرَّه*** يتبشروا بملقاهم وقت ان شبح العين تعرَّى*** تَكـُّوا الخيل قداهم والدغباجي فيده حُرَّة*** يسربيلهم في عشاهم سرجاها وخرجت عل برَّة*** في المِلهاد اخذاهم دوَّفْهم كيسان المُرة*** موش من القهواجي الخمسة درجحهُمْ في مرة*** لا من روَّح ناجي. جو خمسة يقصوا في الجرة*** وملك الموت يراجي و لحقوا مولى العركة المرة*** المشهور الدغباجي ------------------------------ https://facebook/infostunisia2 : الصفحة الرسمية الوحيدة على #الفايسبوك https://twitter/infostunisia https://youtube/user/infostunisie1/videos dailymotion/user/infostunisie/1 https://youtube/user/infostunisie/videos https://plus.google/105342651371496100679 ------------------------------ goo.gl/8C8XF : من ستختار في #الانتخابات القامة تستطع التصويت على هذا الرابط المحايد عن كل #الاحزاب ------------------------------
Posted on: Sat, 07 Sep 2013 17:49:37 +0000
Trending Topics
Recently Viewed Topics
© 2015