ملخص لكل المهمات خارج مصر التي قامت - TopicsExpress

ملخص لكل المهمات خارج مصر التي قامت بها فرقة العمليات الخاصة الفرقة 777 الخاصة بخير اجناد الارض جيش مصر العظيم ( الاحداث دي بجد مش هزار بس عليهم التاتش بتاعي :) مع انهم مسخرة اصلا من غير أي اضافات) العملية الاولى ..... مطار لارناكا - قبرص 1978 اختطاف طائرة ركاب طيران قبرص من قبل الجبهة الشعبية لتحرير فلسطين.... قبرص كانت مسكينة مش عارفة تعمل ايه قام خير اجناد الارض قرر يروح يساعدها ويخلص الموقف خصوصا ان اللي خاطف هو عدو مصر الأول اللي هو مش اسرائيل ولا الصهاينة ..لأ الفلسطينيين وحماس الارهابيين.... وهوبا الأوامر طلعت في السريع واتحركوا في السريع ووصلوا قبرص في السريع بس...كان في مشكلة واحدة بس.... نسييوا يبلغوا السلطات القبرصية انهم رايحيين وينسقوا معاهم العملية (وده لسبب انهم مش متعودين يعملوا كده، الفرقة 777 بتاعة خير اجناد الارض هاتروح تخلص العملية وتقبض عالمجرمين وتروح من غير اصلا ما أي حد فيكي يا قبرص يلحق ياخد باله) ووصلت الفرقة 777 وفي اول دقيقة ولسه بيقولوا "هوووب" اتقتل منهم 15 واحد زي الفراخ من قبل حرس الحدود القبرصية (اعذروهم...شايفين ناس لابسة اقنعه زي سلاحف النينجا داخلين حدودهم من غير أي اخطار افتكروهم ارهابيين وتم التعامل على الفور بلا تردد).... وانتهت العملية وانبهر العالم كله بالفرقة 777 وحتى قائد الجيش القبرصي مكنش مصدق نفسه وقال في تصريحه الشهير "انا مشفتش حاجة زي كده في حياتي.... يلعن ابو الغباء" العملية الثانية.... مطار لوقا - مالطا 1985 المرة دي اختطاف طائرة مصر الطيران يا معلم بوينج 737 واللي خطف واحد اسمه صبري خليل البنا مشهور باسم "ابو نضال" .... السلطات المالطية ابتدت مفاوضتها مع المختطفين بس قالوا بردو ذوقيا يبلغوا مصر عن القصة ده واجب بردو..... ألو... ألوووووو معانا الجيش المصري خير اجناد الارض؟ ها ها ها (ضحكة لواء مربي شنب قد كده) ايوه احنا مين معايا؟ احنا مالطا اصل حصل ان ......... وانتفض قائد الجيش المصري وقالوهم "بالعربي كده وهي كلمة واحدة مش هاتنيها... الموضوع ده بتاعي انا!! طيارتنا وابو نضال ده بتاعي انا" الراجل اتثبت بصراحه"انتو اللي هااتعاملوا؟ احنا ممكن عادي من غير مجاملات نتعامل، اكيد مش عايزين اي مساعدة مننا؟" "انتو مسمعتوش؟؟؟ بقولكم الموضوع ده بتاعي... انتو مسمعتوش عن ال777 ؟؟" "لا حضرتك" "طب استعدوا للمفاجأءات والانبهارات" الركاب جوة الطيارة كانوا مرعوبين وبيسمعوا للمفاوضات اللي بتحصل .... كله كان مرعوب ماعدا محسن بيه كان قاعد ولا هامه اي حاجة ... فسأله اللي جنبه "حضرتك مش خايف؟ " "واخاف ليه؟ يابني ده قضاء وقدر وكل واحد هاياخد نصيبه" "ونعم بالله......" وفجأة سمعوا زعيق من الارهابيين "ايه؟؟!!! مش هاتدفعوا الفدية؟ وكمان هاتبعولنا ال777 ؟" وانقلبت الآية.....الطيارة كلها انبسطت "وهييييييييييييه مصر مصر تحيى مصر" ماعدا الارهابيين و... محسن بيه... كان مرعوبين جدا.... محسن بيه "هايبعتوا ال777! يا دين امي... لأاااااااااااااااااااااااااا" الراجل اللي جنبه سعيد جدا "ايوه! بص عالارهابيين خايفين ازاي لما عرفوا ... خير اجناد الارض جايين يخلصونا" محسن بيه "مالمشكلة ان انا عارف انهم جايين يتنيلوا يخلصونا بس انت مش فاهم.. هم هايخلصونا اه بس مش مالارهابيين بس... لا مالدنيا كلها ...لأاااااااااا" وقام محسن بيه راح للارهابيين "ابوس ايديكم ... عايزين كام؟؟ اللي انتو عايزينه هادفعه من جيبي ونخلص الموضوع" قائد الارهابي قام وطبطب عليه وقاله "للأسف خلاص هم وصلوا المطار خلاص....انا اسف... صدقني مكنتش عايز ده يحصل... امسكلك مصحف واقرالك فيه زيينا... الا صحيح... بما انك خايف زيينا... انت خدمت في الجيش، مش كده؟" "اه... خدمت في الصاعقة المصرية....امال انا قلقان ليه؟ اللي جايين دول عشرة عمر" "يا دين امي.... معلش حظك وحش في الدنيا .. ان شاء الله حظك يكون احسن في الاخرة" وسلموا على بعض وكملوا قراية قرآن ووصلت ال777 تان تا تن تن تااااااااااان... وهاينفذوا الخطة وهي كالاتى 1)عمل فتحة في الطيارة 2) القضاء عالارهابيين 3) السيطرة عالطيارة بكل ركابها وفعلا اتنفذت... بس في شوية معلومات كده عالماشي 1)تم زرع المتفجرات على سطح الطيارة و"بووووووووووم" نسفوا جزء من الطيارة وعملوا الفتحه... بس نسفوا معاهم 20 راكب جوه.... ده بس تسخين 2)و هوباااااااا اقتحمت ال777 الطيارة و"دي دي دي دي دي بيو بيو بيو بوم بوم بوم" "استنى...." "ايه في ايه؟" "طب وهم هايعرفوا مين الارهابي ومين مش الارهابي ازاي؟" "طب وهو مين قاللك ان الحاجات السفيفة دي تفرق معاهم؟" ضرب نار في كل اتجاه ارهابيين مش ارهابيين كله هياخد نصيبه بالدور يا جماعة 3) في ناس حبت تعمل نفسها ناصحة (بس هي مش ناصحة) زي محسن بيه كانوا مستخبيين واستنوا لحد مالناس انشغلت وراحوا ينطوا من الفتحة ينفدوا بجلدهم من أم غباء خير اجناد الارض .... بس هيهات.... مش بقولكم مش ناصحيين؟؟ بتستنصحم على خير اجناد الارض؟؟ كانوا عاملين حسابهم يا ناصح منك ليه وفي قناصه واقفة متابعة الموقف عشان أي كلب تسوله نفسه انه يهرب يتم التعامل معاه فورا وفعلا تم قنص كل اللي حاول ويهرب من دين أم الغباوة اللي بتحصل وحسبي الله ونعم الوكيل الطيارة كان فيها 88، اتقتل منهم 58 رئيس الجيش المالطي وهو بيتابع من فوق البرج وجنبه بتاع مصر "هو في كده؟" بتاع مصر "ها ها ها مش قولتلك هاتنبهر... العيال دي عفاريت احنا اللي مدربينهم" بتاع مالطا "قائد العملية معايا اهو عالخط بيقولك تمت السيطرة" بتاع مصر "مش قولتلك" بتاع مالطا "بس بيقولك في 58 من ال88 اتقتلو...." بتاع مصر "مش مهم مش مهم اديهولي كده" بتاع مصر "ايه ياض الحلاوة دي !! عفارم عليك رفعتوا راسنا ... الراجل واقف جنبي مش مصدق نفسه... بس استنى .. هو بيقولي ان في 58 ماتوا... انتو عملتوا فتحة كبيرة في الطيارة ولا ايه؟ مش قولنا الفتحة تكون عالقد عشان نعملها مرمة وترجع جديدة ؟ هاتنفع تتعمل؟ لا برافو عفارم يا شباب" بعد العملية دي العالم كله اجمع ان ال777 مش لازم يخرجوا بره مصر بأي تمن....وفعلا مهماتهم انحصرت على التعامل مع الارهابيين داخل مصر... زي العملية "ا ق س س و ا ن ج ي ا ي ا ا" وهي "اقف قدام سيتي ستارز و اعمل نفسك جامد يا اهبل يا ابن الهابلة" و مهماتهم في التعامل مع الناس العزل رجالة كبيرة في السن ستات اطفال اللي مش ماسكة سلاح وقاعدة في حالها.... وسيظل جيش مصر الباسل خير اجناد الارض شامخا حافظا لسلامة النظام ...قصدي الوطن ... رغم انف الحاقدين والاعداء news.bbc.co.uk/onthisday/hi/dates/stories/november/24/newsid_4356000/4356024.stm en.wikipedia.org/wiki/Unit_777#Current_status

Thank you to everyone that helped support this years Lamb Jam

When a man finds that it is his destiny to suffer, he will have to

30 de junio, el dia en que muchos hombres y mujeres, celebran el

Smoking one and rolling one I come and break you down for

o060loj3c Camera arm set for T35 & T36 dzvyj1sh6 s38bkt4r4,

Dear Sister Rosa Clemente: On behalf of our Human Rights

Not that I am into Grid Storage ... but: Investment in

aiki style - how to debate reptiles and minions, and win... by

Powers Of District Magistrate In India The District Magistrate

Son los del Club Bilderberg los que manejan el mundo, LOS AMOS DEL

We had an amazing experience at Maryland Sheep and Wool this

Before I get to the top two gentlemen headed into the run off, I

Pasa mo to Sa Wall Mo Tingnan Mo Kung Anong Number Ibibigay Sau

Interesting things to know about girls. Do we know Girls ?, Well

Omg earlier today I got the shocking news that my dad past

Where Can You Purchase 480 Mbps Mini High Speed USB 2.0 Micro SD

Talkman Shiki: Shabe Lingual Eikaiwa [Japan Import] REDEEM YOUR

Finally home after a long day. Travelled from Kingston to

[07/12 16:28] Navnita Basera: Msg from an Offr who knew Lt Col

::: CONEXÃO SALVADOR ::: Depois do sucesso da inauguração o

1. A salih - Better Day (Glen Christaz Rework Dub)... 2.

1 Dies, 10 Injured in road mishaps =>One person died and ten

Black Friday 2013 32GB 2X16GB RAM Memory for Compaq ProLiant

1 JOHN 4 1 Beloved, believe not every spirit, but try the

Once again, we have failed at packing within reasonable timing. Im

@1 POP! Tumi Delta Passport Case Store Tumi Delta Passport