منقول شات فرعوني فرعون : هاي ... ممكن نتعرف ، انا تحتمس فرغلي - 21 سنة - طيبة فرعونة : كليوباترا ست أبوها - 20 سنة - هليوبليس فرعون : هليوبليس ؟. .. شكلك بنت ناس فرعونة : طبعا ... أبويا ظابط جيش فرعونى قد الدنيا .. برتبة تلات أهرامات وأبو الهول ... فرعون : جميل جدا ... انتي ايه هواياتك ؟؟ فرعونة : بتعلم هيروغليفى وموسيقى ... وانت ؟ فرعون : بحب أرسم على الحيطان ... فرعونة : عيل يعني .... فرعون : يعني بروح الهرم وأرسم على الحيطة بتاعته ... رسام يعني فرعونة : طيب إنت باباك شغال إيه فرعون : أهو .... عمال بيبني في الهرم التالت ... أما نشوف أخرتها إيه فرعونة : بس أنا سمعت إن الموضوع ده اتمسك فيه مهندس بيغش في الحجارة ... فرعون : أيوه ... أنا عارف ... ماهو أبويا فرعونة : بجد ؟ يعني باباك مجرم ؟؟؟ فرعون : اسمها حرامي لو سمحتي ... فرعونة : انت بتحب الشعر فرعون : أكيد ... وأكتر واحد أحبه هوه امنمحات ... تحسي إن شعره زي شعبان عبد الرحيم فرعونة : أيوه ... خصوصا في بردية "إيزيس والملوخية" فرعون : فعلا ... دي هيه دي المفضلة عندي .... شكلك ليكي نفس مزاجي ... أنا بدأت أرتاحلك وممكن أعمل أي حاجة عشان أشوفك ... فرعونة : مينفعش يا تحتمس .... أصل بابي حمقي أوي ... ولو شافنا مع بعض هيدفنك في سقارة .... فرعون : تعالي نهرب ونروح اي حته في مصر وهشتغل أي حاجة ... إن شاء الله أزرع بانجو
Posted on: Fri, 06 Sep 2013 22:19:20 +0000
Trending Topics
Recently Viewed Topics
© 2015