مو شرط أشيل " Iphone " ..علمود تكول اني ذكي و افتهم ..!! * مو شرط أكل كل يوم في " المطعم دجلة " او " النخيل " .. علمود تكول إني مو بخيل ..!! * مو لازم لما أحب اكعد ويه جماعتي .. نكعد كل يوم في Crispy علمود نقنعك احنه اولاد ناس ..!! * مو شرط أجيب لبسي من " Adidas " او " Nike " علمود أكون نضيف ..!! * مو شرط أرطن بالأجنبي .. و كل جملة اخلي بيها كلمتين إنكليزي علمود تكول علي مثقف ..!! * مو شرط أمشي أسمع " Adele " أو " Rihanna " علمود تكول علي متحضر ..!! * مو شرط اركب سيارة فاخرة واتفيك بالسويج مالتها علمود اصير خوش ادمي * مو شرط تلفوني ميسكت من البنات والدايحات الي 24 ساعه يدك علمود ابين للناس اني عمرو دياب.. أني معظم لبسي من اماكن بسيطه .. و اكعد ويه جماعتي على الطريق .. ولما نجوع ناكل عادي من اي مكان حتى لو حصو وفلافل .. حضرتك لو شايفني إني من طبقة أقل منك .. أحب أكول لجنابك الكسيف إنك مريض .. ولو شايف إني فقير مثلا أو بخيل .. فأحب أكول لحضرتك .. إنك همين مريض .. أنا ممكن أسوي كل اللي فوك .. بس كل الفكرة إني شفت ناس .. ممكن يعيشوا إسبوع كامل بثمن تيشيرت من Adidas .. شفت عائلات ممكن يتغدون كلهم بثمن كعدة من كعدات Crispy .. شفت ناس يرحون لشغلهم لو مشي لو بالبايسكل علمود يوفرون علي نفسهم شكم فلس..
Posted on: Thu, 20 Jun 2013 09:19:37 +0000
Trending Topics
Recently Viewed Topics
© 2015