هالة جلال: كل اللي بيقول ان السيسي مش وراء قرار غلق برنامج البرنامج لباسم يوسف ومن يدعي ان السيسي لا يعرف ، وان اصحاب المحطة تبرعوا لارضائه .. مخطئين وبعضهم يضللنا عن عمد ... ومن عمل منكم في اي تلفزيون مصري عام او خاص يعرف ما أتحدث عنه ، هذا النوع من القرارات يأتي في صيغة أوامر تبلغ للمستوي الاعلي من ادارة القناة وهذا حدث مع برامج أخري في أزمنة أخري ، هناك عادة مصرية قديمة : الصبي اللي يتحبس بدل المعلم بتاعه والمعلم ها يتكفل بمصروفاته هو وعيلته ،، يعني المحطة ها تشيل العار عن السيسي وهو ها يظبطها ،، حصلت كتير علي فكرة قبل كده ... واحنا دفنينه سوي اما الاصرار علي تبرئة السيسي فا ده يأتي من نفس العقول اللي كانت بتقول للشعب : عبناصر يا عيني ما كانش يعرف ان فيه معتقلات ولا تعذيب ولما عرف اتضايق قوي .. وهما نفسهم بتوع عبحكيم عامر كان زي الفل بس يقطعها برلنتي هي اللي ضيعته ، والفريق القائل ان العيسوي لما قال ما عندناش قناصة كان بيقول الحقيقة لانه راجل طيب جدا ما اخدتش باله كان يقصد مادام معاهم نوع معين من السلاح يبقوا مش قناصة وهو متعود يا حبة عيني يكون دقيق ... وهكذا هذا النوع من الخرافات منتشر في اعلامنا وسهل الهضم علي الضمائر والعقول الكسلانة ... الدفاع عن حرية التعبير في كل صورهها حتي النكت حق و مسألة مبدئية واللي بيحاول يقول انها حاجة تافهة يخدم السلطة ويجمل شكلها القبيح
Posted on: Sat, 02 Nov 2013 05:39:01 +0000
Trending Topics
Recently Viewed Topics
© 2015