ချင်းပြည်နယ်ကအပင်များ “ဆိပ်ဖလူးပင် “ Botanical name: Nyctanthes arbor-tristis L. Common Names: Night-flowering jasmine, Seik-hpalu . Family Oleaceae (စပယ်မျိုးရင်းထဲမှာပါဝင်ပါတယ်).ဒီရက်ပိုင်းမှာမိုးပြေးလေးနဲ့အတူပွင့်တဲ့ ဆိပ်ဖလူးပန်းလေးတွေပါ၊ အီနောက်နောက်လေးနဲ့ သင်းပြန့်တဲ့ရနံ့နဲ့ပွင့်တဲ့ပန်းလေးတွေပါ၊ အရမ်းမွှေးပါတယ်၊ ကျနော်ကတော့ရနံ့ကိုအရမ်းကြီးမနှစ်သက်လှဘူးဗျ၊ ရနံ့ကနဲနဲမွှေးလွှန်းတယ်၊ညဦးပိုင်းကနေတညလုံးပွင့်ပြီးရင်တော့ မနက်စောစောအပင်အောက်ခြေ မြက်ခင်းပေါ်မှာဖွေးဖွေးလှုပ်အောင် ကြွေကျနေတတ်ပါတယ် သဘာဝပေါက်ပင်မဟုတ်ဘဲအလှအပအတွက်စိုက်ပျိုးရတဲ့အပင်ပါ၊ငယ်ငယ်ကဖတ်ဖူးတဲ့ကဗျာထဲကလို “ ရွာလယ်ပေါင်းကူးတံတားဦးမှ ဆိပ်ဖလူးနံ့ရွာလုံးပြန့်၏” ဆိုတဲ့အပိုဒ်လေးကိုပြန်သတိရမိတယ်၊ ပွင့်ချပ်အုံအ၀ိုက်လေးတွေက အဖြူရောင်ဖြစ်ပြီး ၊ပွင့်ချပ်အုံပြွန်လေး corolla tube လေးကပုဇွန်ဆီရောင်အသွေးနဲ့ တကယ်လှတဲ့ပန်းကလေးတွေပါ။ ဒီအပင်နဲ့ပတ်သက်ပြီး Flora of Pakistan မှာတော့ Nyctanthes arbor-tristis Linn., Sp. P1. 6. 1753. C.B. Clarke in Hook. f., l.c. 603; Parker, For. Fl. Punj. ed. 3: 318. 1956. Vern. Harsingar, Kuri. Trees up to 10 m high. Branches quadrangular; bark grey or greyish-green. Leaves up to 10 cm long and 5 cm broad, coriaceous, covered with stiff white hairs ; petiole up to 1 cm long. Flowers fragrant, in 3-7 flowered pedunculate heads. Corolla tube c. 1 cm long, orange red; lobes 5-7 mm long, patent, whitish. Fl. Per.: August-October. Fruit: cold season.Type: “Habitat in India”. Grown for its fragrant flowers. Leaves are used for polishing wood and in country medicine as a febrifuge. From the corolla tube an orange dye is extracted. လို့ရေးသားထားပါတယ်။ ဆိပ်ဖလူးပင်ဟာပဥစငါးပါး ဆေးဝင်တဲ့အပင်ပါ၊ အရှင်နာဂသိန်ဆေးကျမ်းထဲမှာ အပင်၏ botanical name ကို Nyctonthes Arbrtristis ဟုဖေါ်ပြထားပါသည် နာမည် အမှန်ကိုပြန်လည်ရေးသားပေးထားပါတယ် (ကျမ်းကိုး Ref: Checklist 2003 ) ရေးသားရာမှာလည်း species အမည်ကို arbor-tristis လို့ရေးသားမှမှန်ကန်ပါတယ်။ ဆေးကျမ်းထဲမှာ အခေါက် သည် ခါး၏၊ချဉ်၏၊ အရွက် ခါးစပ်၏၊ ပဥစငါးပါး ချို၏၊၊ သတိအေး၏ ဆိုထားပါသည်၊ဆေးကျမ်းထဲတွင် ဂုဏ်နှင့်စွမ်း ရည်ကိုဖေါ်ပြရာတွင် ပဥစငါးပါးပြေပြစ်၏၊ ကိုယ်ဝန်ကိုကြီးထွားစေ၏၊ ချုပ်၏၊ဆံပင်ကိုအကျိုးပြု၏၊အန်စေ၏၊ပိုးတို့ကိုိုဖြစ်ပွားစေ၏၊ အပူ မြင်းသရိုက်ဓတ်တို့တွင်ဖြစ်သောရောဂါ၊မီးယပ်နာ၊ဆံပင်ကျွတ်၊ ထောပတ်နှင့်ကျော်ထားသောဆိပ်ဖလူးပွင့်မှာ ချမ်းသာစွာ သွေးကိုလာစေ၏၊ အရွက်သည် သလိပ်တို့ကိုနိုင်၏၊ အခေါက်ကိုကွမ်းထဲထည့်စားလျှင် ချောင်းဆိုးပျောက်၏၊ အခေါက်ဆီကိုမျက်စေ့ကိုက်ခဲခြင်း၊ အရေပြားရောဂါ၊ အဆုပ်ပြွန်ရောင်ရန်းခြင်း၊ အဖျားပျောက်၏၊ ပိုးကိုသေစေ၏၊ ……...စသဖြင့် ပျောက်ကင်းနိုင်သောရောဂါများ ကုသပုံဆေးနည်းအသေးစိတ် ကိုစာမျက်နှာ ၃ မျက်နှာခန့် အကျယ်တ၀င့်ဖေါ်ပြထားတာကိုမှတ်သားရပါသည်။ ပျောက်ကင်းနိုင်သောရောဂါများ ကလည်းအများကြီးပင်ဖြစ်ပါသည်။ ရိုးသားစွာတင်ပြရရင် ကျနော်က ဆိပ်ဖလူးပင် ကို မြင်ခဲ့ပုံကသာမန်သာဖြစ်ပါတယ်၊ကျောင်းသားတွေကို Morphological charactersသင်ရုံသက်သက်သာသိစေခဲ့တာပါ၊ အခုလောက်ထိဆေးဖက်ဝင်မှန်းမသိရိုးအမှန်ပါ၊ အခုကြတော့ အလှအပတွင်သာမကတိုင်းရင်းဆေးတွင်ပါအစွမ်းထက်သောအပင်တပင်အနေနဲ့ အသိမှတ်ပြုလာရပါတယ်။ ဆရာတော်ကြီးမှတ်တမ်းတင်ခဲ့လို့သာနောက်လူများလေ့လာနိုင်တာပါ (ThetNgOoKalayUni 9-13)
Posted on: Fri, 20 Sep 2013 11:51:06 +0000
Trending Topics
Recently Viewed Topics
© 2015