ფინანსთა სამინისტროს საგამოძიებო სამსახურის მიერ დილით დაკავებული მერიისა და საკრებულოს 22 თანამშრომელი კვლავ დაკავებულია, - ამის შესახებ "ინტერპრესნიუსს" დედაქალაქის მერიიის პრესამსახურიდან აცნობეს. როგორც მერიაში განმარტავენ, მათთვის ცნობიალია, რომ საკრებულოს თავმჯდომარის მოადგილე მამუკა ახვლედიანის გარდა, ყველა ოცდაორივე პირი დაკავებულია. მერიაში ვერ აკონკრეტებენ სად იმყოფებიან ამჟამად დაკავებულები და რა მოქმედებები ხორციელდება მათ მიმართ. აღნიშნულ ინფორმაციას ფინანსთა სამინისტროს საგამოძიებო სამსახურში არც უარყოფენ და არც ადასტურებენ.
Posted on: Thu, 27 Jun 2013 19:55:03 +0000