Aaj main kuch aham sawalon kay jawab daina chahta hoon. Bohat say log is bat per naraz hain kay main nay Nawaz shareef ko vote kiun diya aur main Siraiki soobay kay mutalbay say kiun hat gaya aur main Dr Sajid ki support ki bajai apnay bhai ko agay kiun laa raha hoon. Main nay Nawaz shareef ko vote is liay diya kay unhain pooray mulk nay vote kay zariay hakoomat karnay ka haq diya tha to main pooray mulk kay diyay huay haq kay khilaf kiun jaon. Jahan Tak siraiki soobay ki bat hay to awaam nay Raheemyar khan say dera ismail khan tak aur layyah say khanewal aur Multan samait saray siraiki area nay us party ko vote nahi diya jis nay siraiki sooba bananay ka naara lagaya tha balkay siraiki soobay ki mukhalif party ko vote diya. is say zahir hay kay siraiki soobay ka banana awami mutalba nahi hay. Jab awaam yay sooba banana hi nahi chahti to main kiun is mutalbay say chimta rahoon. Albatta main Bahawalpoor soobay ka Hami hoon aur muzaffargarh ko bhi Bahawalpur soobay ka hissa banwanay ki koshish karoon ga. PTI walay aur Takht i lahore kay mukhalif mughay jitni bhi galiyan daitay rahain mughay koi faraq nahi parta. Main nay ilaqay kay mafad kay liay Muslim League Nawaz say hath milaya hay aur zimni election jeet kar mera bhai Javed Dasti bhi merey sath mil kar ilaqay ki taraqqi kay liay koshish karay ga. Dr.Sajid Mahmood Ashraf main koi burai nahi aur mughay apnay bhai ko unkay haq main dastbardar karwanay main bhi koi masla nahi hay lakin hamaray group ka faisla hay kay ham PTI kay candidate ko support nahi karain gay kiunkay PTI ka nazriya Ilzam tarashi aur ghoot ka hay. Ham yay seat to haarna gawara kar saktay hain lakin PTI kay candidate ko support nahi karain gay chahay wo hamara sabqa acha dost hi kiun na ho.
Posted on: Fri, 12 Jul 2013 00:36:29 +0000
Trending Topics
Recently Viewed Topics
© 2015