∗ Baap(Waalid Sahab) Ka Martaba ….. Aap Sabhi Ne Maa Ki Shaan Mey Bohot Hi Azeem Baatein Suni Hongi Lekin Baap (Waalid Sahab) Ke Baare Mein Shayad Zyada Baatein Aam Nahin… Baap Ka Martaba ∗ Baap Ka Ehtiraam Karo Taake Tumhari Aulad Tumhara Ehtram Kare. ∗ Baap Ki Izzat Karo Taake Iss Se Faiyeda Utha Sako. ∗ Baap Ka Hukm Mano Taake Khush Haal Reh Sako. ∗ Baap Ki Sakhti Bardasht Karo Taake Qaabil Ban Sako. ∗ Baap Ki Baatein Ghour Se Suno Take Dusron Ki Na Sunni Padein. ∗ Baap Ke Samne Uncha Mat Bolo Warna Allah Tum Ko Nicha Kar Dega. ∗ Baap Ke Samne Nazrein Jhuka Kar Rakho Take Allah Tum Ko Duniya Me Buland Kare. ∗ Baap Ek Kitaab Hai Jis Par Tajruba Likha Jata Hai. ∗ Maa Ke Pairon Tale Jannat Hai Tov Baap Uska Darwazah. ∗ Baap Ke Aansu Tumhare Samne Na Gire Warna Allah Tum Ko Jannat Se Gira Dega. ∗ Baap Ek Muqaddas Muhafiz Hai Jo Puri Zindagi Khandan Ki Hifazat Karta Hai. Khush-Naseeb Hain Wo Log Jinke Maa-Baap Zinda Hain! Wo Khidmat Karke Allah Ta’ala Ke Yahan Apna Martaba Badha Lein Aur Jinke Maa-Baap Faot Ho Chuke Hain Wo Unki Taraf Se Sadqaat Karein, Khairaat Karein Aur Unke Liye Duaayein Karein! Allah Rabbul Izzat Aage Unke Darjaat Buland Farmaye Aur Humein Iss Shariat Ke Masle Me Sahi Samjh Ata Farmaye. !!!!! Ameen !!!!!
Posted on: Sun, 27 Oct 2013 16:12:53 +0000
Trending Topics
Recently Viewed Topics
© 2015