Caparuni.Napa dorang so mehe 1 ton lei kita pe doi Waktu hari pasar, Oma Nelly dola pa Otje, petugas kantor pos. Oma Nelly: Otje, ngana kirim akang kita pe surat. Kilat khusus neh Otje: Beres Oma Nel. For sapa dang ni surat (Otje sadiki ba pancing) Oma Nelly: Masoso jo ngana. Pigi jo Pe trima tu surat, Otje ta kage jaha. Di envlop tertulis: Kepada Yth: Tuhan di Sorga. Dari: Nelly di Lewet Lantaran penasaran, Otje buka tu surat, kong dia baca depe isi: Tuhan, kita pe katu so banya bocor deng tu mafana so ta ribe. Waktu Lokon ba sumbur, kita sampe ta makang abu. Kirim akang kua satu juta for mo beking butul ni rumah. Ttd. Nelly. Otje kasiang so terharu da baca tu surat, kong sampe di kantor, Otje usul pa depe tamang-tamang kalu suka mo bantu pa Oma Nel. Kumpul baku kumpul, selama satu minggu dorang dapa 9 ton. Lantaran so sampe situ dorang pe kemampuan, depe hari pasar berikut, Otje bungkus tu doi di envelop kong pi bawa pa Oma Nelly. Pe simore jo, bagitu dapa tu envlop, Oma Nelly langsung maso di kamar kong rekeng to doi: 9 ton. Nyanda yakin, Oma pici-pici ulang to doi, ternyata memang cuma 9 ton. Oma langsung sombayang: Oma Nelly: Tuhan trima kase so jawab kita pe surat. Maar laengkali kua kirim langsung jo, lempar dari mafana juga nda apa-apa. Jang lewat tu tukang-tukang pos caparuni. Napa dorang so mehe 1 ton lei kita pe doi
Posted on: Thu, 28 Nov 2013 02:24:18 +0000
Trending Topics
Recently Viewed Topics
© 2015