E CARA CU AMI TA PONE Señor, ¿Ki cara mi tin e momentonan aki? Yudami reconoce, cu e cara cu ami ta pone ta bai influí den Bo trato. Mi kier pa Bo siñami e gran berdad cu David a afirmá den (Slm.18:25-26). Na e hende misericordioso, Bo ta mustra Bo mes misericordioso; Na e hende recto, Bo ta mustra Bo mes recto; Na e hende puru, Bo ta mustra Bo mes puru, ma na e hende perverso Bo ta mustra Bo mes ʺseveroʺ. Señor, mi cara ta hasi influensia riba e relashon cu Bo, na igual manera cu den caso di un mucha chikitu ariba su mayornan. Ora un mucha lastíma su mes y ta busca su mayornan cu su cara tristo yená cu lagrima, e ta haña inmediatamente compashon y consolashon serca su mayornan. Pero si e mucha hasi kos di rebelde y ta problematico, ¡tene cuido! Awor mi ta compronde loke drs. mrs. Claudia Martinez, e Specialista den Derecho di niños y adolescente kier a bisami ora e tabata busca pa reconsiliá su mes cu Dios atrabes di Cristo, na momento cu Dios a bisé: ʺlaga e seña cu bo tin ei un bandaʺ. Pasobra Dios no ta desea di tin relashon cu un hende amargá. Kon mi ta mira mi propio cara? Kon mi por reconosé mi propio estado di ánimo? Mi tin di kore bai constantemente na e Palabra di Dios pa mi ʺspilʺ pa indicá e clase di persona cu ami ta. Lo mi ta e porco-sushi di primera clase si mi perde e kontacto cu mi propio cara, na momento cu mi imaginami di ta un kos, caminda e spil ta mustrami otro kos. Señor, no solamente Abo, sino mi amigo y bisiñanan ta scudriñá mi cara diariamente tratando di observá loke tin den mi kurason. Kizas mi cara por refleha un Cristo cu ta bendishoná na abundansia of nan ta mira den mi cara un refleho di un Cristo tumbá sin bida y sin valor den mi bida diario? Ki grandioso lo ta ora bo djis pensa cu den e cara di e Cristo resucitá y triunfante por ta komprobá, (visto) den mí. (2-Cor. 4:6). Si Cristo ta biba den mi kurason, mi cara tambe ta resplandesé cu su gloria; Si e reina den mi bida, e lo iluminá tur mi echonan. Cristo ta mi makíahe spiritual. ʺAsina Señor ta bisa: No laga un hende sabí gaba di su sabiduría, y no laga e hende poderoso gaba di su poder; no laga un hende riku gaba di su rikesaʺ (Jeremías 9:23). Mi ta spera cu e reflekshon aki por ta di edifikashon pa bo bida. Bo amigo, Lcdo. Ps. R. Matheo Dortalina
Posted on: Sat, 20 Jul 2013 14:36:46 +0000