Joint Meeting Proceedings of HSA and Ngurte Village Authority June 30, 2013 (Pathienni) chawhnung hin Ngurte V/A Office ah HSA GHQ inrawina hnuoiah Ngurte Village Authority le HSA, Ngurte Unit hai Joint Meeting nei a nih. Members Present: 24 (See Annexure-I) Hun hmasatak ah Pu John Pulamte, Assembly Speaker, HSAGHQ in hun hawngna nei in, Pathien kuomah ṭawngṭaina a nei a. Inhmelhrietna nei a ni zovin kum nawk 2014 a HSA kum 75 tlingna (Platinum Jubilee) hmang na hmun ding le thu dang dang hril tlângna nei nghal a ni a. Hieng a hnuoia thu hai hi lungruol takin kan remtih. Res.No.1 : HSA kum 75 tlingna Platinum Jubilee chu 2014 hin indin ṭan a nina Ngurte khuo ngei ah nei nisienla ti thu hi hril a ni a. Ngurte Village Authority haiin Ngurte khuo a innghat an remti thu an hril hi lawmum kan tih. Res.No.2 : Inhma laia Ngurte khuo in HSA ram an lo pêk hi a lo sui zui a, a ramri an hma tienga lo sukfel dingin Ngurte Village Authority le Ngurte Unit HSA kan dande. Res.No.3 : Ngurte khuo in sawrkar/private/mission school pakhat khawm an nei naw leia an harsatna an intlun hi ngaituo a ni a. RTE/SSA hnuoiah school an nei ngei theina dinga hma lâk nghal ni sien kan ti a, HSA GHQ mawphurna ah kan sie. Chun, Ngurte khuo ah Dispensary a um ngei theina dingin hma lâk tlâng ni sien kan ti bawk. Khi a chunga thu hai po khi ngaituo le rel a ni zovin Pu Joseph L. Infimate in Pathien kuomah ṭawngṭaina a nei a, hun suktawp a nih. Sd/- (John Pulamte) Assembly Speaker Sd/- (Joseph L. Infimate) Secretary (Internal) Hmar Students Association, General Headquarters
Posted on: Sun, 30 Jun 2013 16:24:11 +0000
Trending Topics
Recently Viewed Topics
© 2015