KA NGAIHTUAHNA A BUAI Ê... Rihtláng ka dàwn châng hian, Hringnun hi mâk ka ti! Kumhlun tur rêng awm hian, A rem lo; a mâk si ! Engtikah hun hian e, Min la hnuk lut ang maw ? Zamual liam turin e; Dâwn hian hrilh hai si maw ! ************************ Vai vut chu leiah vêk chang leh turin Siamtu chuan a ruahman miau avangin kan sêl thiang lova, awmzia kan nei hek lo.Thu kan neih loh zia chu boruak dan tum ang vel ani a,lawn lova arsi lak tum ang vel a ni. Lei ânchhedawngah hian e thihna hi anchhe tawpkhawk niin a râwng lua si! Thenna zawng zawnga inthenna rapthlak ber leh pawm har chungchuang a ni si.Mahse, kan hmachhawn turin a in- kau reng bawk sia.. Duh rêng vang pawh ni lova chhiar sen loh ten zamual an liam hnu pawhin maw awmlai lunglian chuan hrân a la chhuah zel dawn chu a ni si a le! Aw,hringnun hian a pawm thei lova,a hnar thei bawk silo. Engtikah emaw chuan tap chunga kan lo chhuahna ramah hian tap chung vêka thlah liamin kan la awm dawn si a ! Duh rêng vang pawh ni lova fâm channa khawvelah hian tihsual leh thil sual tih avang in mi nunna eng emaw zat nunna chhah sak an ni tawh a,a rãwng lua teh e.Hlimna ramah hlauhna a hrânga; lawmna zawlah lungngaihna a uanga ;nuihna tlângah nuarna a bawka;tahna mittui chuan hnehna hlado chu inchhuang takin a chham leh thin si...! Anih, mahse,engpawhnise.. thihna chunga thuneitu chu eng nge ni a,tu ber nge ni ta? Siamtu Pathian khi ani dawn lawm ni? Nge, ang khat veka a din hringfate tho hian thi tur hian Siamtu remtihna tello hian fam vangkhuaah liam turin DÁN hi kan lek zel dawn le..? He thihna chungchanga dân ( Death Penalty) hi ram tam takin an hnawl tawha,an la hnawl zel pawh a rinawm a.. kan ramah erawh a la inkulh ruiha; hei hi Kristian-te tan a dik em? A tha ve tho em le? Nunna chungah kher hi chuan thuneihna hi chunglam khian min pe phal ang em le? Indona erawh thil dang daih a ni. Kei zawng thihna dân / thupek kher ( Death penalty) hi chu ka pawm ve ngam tlat lo. Kristian kan nihna pawh hian a pawm ka ring lo. Phuba chu (Amah) Pathian lak tur a ni si.. Khaihlum rawh se Chan sawm vek rawh se etc...tih hi kan au hla a la ni zel dawn nge..? * He thu hi - Nizana Mafaa Hauhnar post ka hmuha ka comment atanga lo irh-chhuak ani..ka ngaihdan nisa ani bawk a *
Posted on: Mon, 12 Jan 2015 08:18:51 +0000
Trending Topics
Recently Viewed Topics
© 2015