KHAWVEL SYRIA ISLAMIC STATE TE US IN NUAI TAN TA. ********************************************* 23 SEPTEMBER. Nizan september ni 22 thawhtan zan atang khan US chuan a thutiam bawhzuiin a hmasa ber atan a thawhpui te nen Syria Islamic State te chu a nuai tan ta tih Petagon chuan a puang ta e,Fighter chi hrang hrang leh Bomber leh Tomahawk Land Attack Missile te an hmang tih Pentagon chuan an tarlang ta.Pentagon Press Secretary Rear Admiral John Kirby chuan tukin lam thleng kha chuan engtiang chiah in nge an va beihna hian hna a thawh an la tarlang theilo tih a sawi. U.S. Central Command commander te thu pe a IS te beihna hmasa ber ah hian nguntak a an lo enfel tawh hmun te chu na tak a beih thut a ni tih sawiin,an hlawhtling hle tur ah ngaih a ni. Raqqa khawpui IS main Headquarter building te te chu airstrike vawi 5/6 neih khum a ni tih te leh helai beihna hi an uluk hle tih te tarlan a ni. US airstrikes tan a nih dawn tak avanga in saseng Syrian Kurds Turkey lam a tlan te pawh tukin lam thleng hian mi 130,000 an kai ta bawk tih Turkish Deputy Prime Minister Numan Kurtulmus chuan a tarlang a ni.Hetih lai hian IS te hian Syria lam ah thingtlang khaw tamtak an lak belh ve zel a,tunhnai hian an chak kher mai.Turkish border a Kurdish ho khawpui Ain al-Arab an tih Kurds ho in Kobane ti a an koh chu lak ngei tumin nimin lam atang khan thapui an rawn thawh bawk.Kurdish Fighter te leh IS te leilam inbeihna chu nasa rem rem tak a ni. Australian combat forces te pawhin US puih a tumna kalzel ah Super Hornet combat aircraft pa 8 leh a refuelling tanker aircraft te,E-7 Wedgetail early warning and command aircraft te pawhin United Arab Emirates an pan ta,Hetih mek lai hian British PM hlui Tony Blair chuan IS te an beihna chu a duh khawp lo hle mai,Pa tak mai a kum 2003 Iraq ram la tur a British sipai te thawn tawhtu hian humanitarian effort te leh airstrike ringawt a duh khawp loh thu te,ground troops hmanga in nuai lo a nih chuan IS te hi a zung nen in phawng hauh lo ang tih lam a ni ber awm e,tawngkam na tak hmangin Western allies te chu a lo kar ve chiam reng bawk.Tony Blair hi la PM ngat se chu a che viau tawh tur a ngaih kha a ni hrim hrim mai a,he pa hi a pa riau a nia,Hetih mek lai hian Turkey lam pawhin a awmzel dan tur buaipuiin hun a hmang mek,raltlan te buaipui ngai bawk mahse tangho ten IS te beihna zawm turin an thlahlel tawh hle a,General Martin Dempsey, chairman, US Joint Chiefs of Staff chuan Turkey chu IS te beihna ah arawn tel thuai a beisei thu pawh a chhakchhuak hial a ni.IS Sunni Muslim Extremist te tih ruk em em,an ramri a awm, an lam hawi pawh a silai vawikhat pawh an hmehpuah ngamloh an pawisawi an hlauh Shia Muslim Power House Iran pawhin US leh a thurualpui te chu pui turin a inpeih tih a sawi rualin a Nuclear Program muanawm tak chungchang ah Western ram te chu in pawt fan ve phawt turin a phut thung,helai rambuaina chinfelna tur sawi a piang a a Nuclear program nen a an hmer kawp zel chu a rilru a na rih tih an tarlang bawk...Thlir zel phawt teh ang...
Posted on: Tue, 23 Sep 2014 05:27:02 +0000
Trending Topics
Recently Viewed Topics
© 2015