KONVITE BA KONFERÉNSIA IMPRENSA Iha Fatin Ho honra, ONG Lalenok Ba Ema Hotu (LABEH) hakarak konvida jornalista sira husi media elektronika no media imprime atu hola parte iha Konferénsia Imprensa kona-ba monitorizasaun LABEH iha Distritu Suai konaba Servisu Bombeiros Distritu Suai ne’ebe oras ne’e ameasadu la halo servisu tamba hetan ameasa husi populasaun hafoin debe Empreza Suai nian ida nia osan hamutuk $7,560 fulan ne’en ona (Janeiru 2013 – Junho 2013) seidauk selu no emprezariu ne’e ameasa atu hadau ekipamentus hanesan kareta Bombeiros nian. Konferensia Imprensa ne’e mos sei fo sai rezultado monitorizasaun LABEH iha distritu Same konaba populasaun iha Suku Betano ne’ebe seidauk hetan asesu ba eletrisidade maske sira entrega ona ho gratuita sira nia rai ba governu hodi hari central elektrika. Konferénsia Imprensa ne’e sei realiza iha: Loron : Kinta Feira, 18 Julho 2013 Horas : 09.30 dader to’o remata Fatin : Sekretariado LABEH, Comoro, Kampung-Baru, Dili Iha konferénsia imprensa ne’e, LABEH sei fo sai rezultado servisu monitorizasaun LABEH tenderizasaun ne’ebe identifika ministeriu husi governu actual laiha transparencia iha prosesu aprovozionamentu nian. Mak ne’e de’it ami nia konvite, Ba Ita Bo’ot sira nia atensaun no partisipasaun, la haluha ami hato’o obrigadu wa’in. RSVP; + 670 77289198 ou email; [email protected]
Posted on: Wed, 17 Jul 2013 08:01:37 +0000