Ka post na group a awm lo ka friend te lo chhiar a tan: Comet ISON and Revelations Wormwood Prophecy By Jennifer Asad 24/7/13; Revision 29/7/13 (News lam ni chiah lo, analysis lam zawk a nia. Ka rawn siam rem hlek a, an ziah ang zawng zawng hi ka hrethiam kilh kelh lova, a ngaihnawm chin leh hriat nuam chin ka rawn chhawp chhuak zuai.) Wormwood I hria em? Mizo tawng Bible-ah hian ‘Sai’ tiin a dah a, chu chu Thup. 8:11 a, “chu arsi hming chu Sai (Wormwood) a ni a; tui hmun thuma thena hmun khat chu sai (wormwood)ah a lo chang ta; tichuan chu tui chu an in a, mi tam tak an thi a, a lo khak tak avangin.” a tih kha a ni e. Heng bakah hian Deut.29:18, Thuf.5:4, Jer.9:15;23:15, Tah Hla 3:15;3:19 leh Amosa 5:7 ahte khan Wormwood hming hi a lang a ni. Russian Scientist, Comet ISON hmu chhuaktute zinga mi pakhat zawk hming kha ‘Wormwood’ tia lehlin theih a ni a, he comet hmu chhuak tura an thlirna hmun (Observatory) hming kha ‘sour waters’ tih hming pu a ni bawk..Hei vang hian Christian te leh Thupuan zir tute chuan he thil hi an ngaihven phah a, ‘Hun hnuhnung hrilh lawkna’ angah an ngaih phah a ni. 1. COMET ISON CHU: Comet ISON hi September 21, 2012 khan Russian Astronomers pahnih, Vitali Nevski and Artyom Novichonok ten an hmu chhuak tih kan hriat tawh kha. Comets an hmuh chhuah tawhte reng reng hian a hmu chhuak tute hming an pu thin a, he Comet Ison erawh hi chuan a thlir nana an hman ‘Telescope’ hming a pu thung a ni..Hei hi a danglamna tak pakhat a ni bawk. Comet ISON hi a lairil sakhat lai (nucleus) chu 2-3 km hawlh tlang vel anga ngaih a ni a, a taksa pumpuia thil nawi leng vel (coma) te nen chuan kan Lei aia a let 10 vel zeta lian a ni thung; a mei (tail) sei zawng hi mel 20000 vel zet a ni bawk. A kal kawng (orbit) hi an rindan chuan kum 10000 kar dan a ni a, kum 10000 hnua rawn lang leh tur angah an ngai a, 48000 mile/hour zeta chakin a thlawk fua fua mai a nih chu! Tun tum hi kan solar system a rawn tlawh vawi khatna nia ngaih a ni bawk. Thenkhat chuan kum 2013 hi ‘the year of Comet Ison’ tiin an lo vuah nghe nghe a ni. ISON hi Sun-Grazer an ti a, a awmzia chu- a kal kawng zawh (Orbit) hi Ni hnai lamah a kal ang a, a hlat lamah a in then kual leh dawn a ni. Kan solar system hi ‘Chhohreivung’ (Orion) Arsi bawrkhawm lam atangin a lo lut a, Taurus leh Gemini inkarah Sirius zawn atangin a lo kal tlang a ni. Sirius (Dog star an tih bawk, mizo tawngin ka hre mai lo) hi Egyptian pathiannu Isis tehkhinna a ni a, Osiris, egypt ho pathian mipa zawk hi Sirius kal hualtu, Arsi thi tawh ‘brown dwarf’ pakhat hi niin an sawi thin bawk a, Isis (sirius) chuan a taksa keh them hrang hrang darh tawhte chu a chhar khawm a, a serh erawh a hmu zo ve ta lo va, a taksa them atang chuan ‘mipa serh’ a duang chhuak a, chuta tang chuan Isis (sirius) fapa Horus (Sun??) chu alo piang ta niin an sawi thin. Hei vang hian Egypt (Aigupta) ho khan Isis leh Osiris te inkar atanga lo piang Ni pathian ‘Horus’ chu an be ta niin an sawi thin. Walter Cruttenden, Binary research center a thawk, Lost star tih ziaktu pawhin Ni leh Sirius te hi an orbit ah an inkal hual tawn ve ve niin a sawi bawk. August thla khan ISON chuan Gemini a chhuahsan a, Cancer ah a lut leh a. Sept. leh Oct. inkarah khan Leo a kal tlang leh a, 1st Oct. khan Mars a rawn kal pel leh a, tun (Nov)ah hian Virgo-ah a awm mek a, 28th Nov.hian Ni a helna kawng tur, Ni a hnaih berna kawng perihelion a lo thleng ang a, mit lawng pawhin fiah takin a hmuh theih tawh dawn a ni (Tunah hi chuan mit lawngin a la fiah vak lo). Thup. bung 12 a hrilh lawkna, Hmeichhia Ni-a inthuam tia a sawi chhinchhiahna kha he comet Ison hian sept.thla khan van lamah a rawn entir a. Nula thianghlim (Virgo) chu Ni-a inthuam angin a lang a, a sir veilamah a awm a, Thla (moon) chu a ke bulah a awm bawk. Hetih lai vek hian ‘var parh arsi’ (Venus-morning star) chu Virgo chhul-ah a awm mek bawk a. a hnuaiah Saturn a lo awm ve leh bawk. Saturn hi a hming dang chu ‘Chronos’ tih a ni a, greek mythology chhiar thin chuan in hre mai awm e, an pathian ropui ber Zeus-a pa kha a ni a. Saturn/Chronos chuan a fapate kha an pian hlimin a lo dawlh zel thin a nih kha. Saturn hian thla (moon) tam tak leh crown (lallukhum/zungbun an tih mai arsi eng vak lo 7 a nei a, chung chu hmasang van lam chanchin zir mite chuan ‘Lu leh kite’ tiin an lo sawi thin a ni. Saturn hi setana/rulpui tar/dragon aiawh leh entir nan leh chhiatna thlengtu atan hman a ni thin bawk. July thla vel kha chuan serthlum rawng leh eng(Yellow) dal deuhvin a lang a, engtikah emaw chuan a sen (red color) in a lang leh dawn a ni. Thupuan bu-ah khan Lal Isua khan ‘varhparh arsi eng tak’ a nih thu a sawi a nih kha: Thup.22:16…Davida bulpui leh a thlah, arsi eng tak, varparh chu ka ni,” a ti a. Bible inchhawp remchang lo tan Thup. 12 thu hi lo tarlang ila: 12:1 Tin, thilmak ropui tak vanah a lo lang ta a; hmeichhia nia inthum, a ke hnuaia thla awm, arsi sawm leh pahniha siam lallukhum khum a lo awm a; 12:2 ani chuan nau a pai a; nau vei nain a sahram a. 12:3 Tin, thilmak dang vanah a lo lang leh a; ngai teh, drakon sen lian pui, lu sarih leh ki sawm nei, lallukhum pasarih khum a lo awm a. 12:4 A mei chuan van arsi hmun thuma thena hmun khat chu a hnuk a, leiah a paih thla ta a; tin, a hrin huna a nau chu a lem theih nan drakon chu hmeichhe nau hring tur hmaah chuan a ding reng a. 12:5 Tin, fapa, hnam zawng zawng chunga thir tianga rorel tur a hring a; tin, a fa chu Pathian hnenah leh a lalthutphahah chuan lak chhohvin a awm ta a. He hmeichhia Ni-a inthuam chanchin hi chip chiarin he link ah hian a chhiar theih e:………//facebook/lka.chawngthu/posts/395292147265390?refid=18 Comet Ison hian 26th December hian Lei a hnaih berna hmun a rawn thleng dawn a, hemi ni hi Judate kut pawimawh tak, ‘Hannukah’ an tih, Eng kut emaw, Bible ah chuan ‘Inpumpek kut’ tia a sawi intanna ni chiah kha a ni a, Lal Isua pawhin he inpumpek kut hi a hmang ve nghe nghe a ni (John.10:22). He a zinkawngah hian a course vawi hnih a thlak tawh a, Lei hi a orbita a kal ve reng bawk si avangin he Comet mei lam leh Lei hi insu buai thei an ni ta a, chuti a nih chuan a Meia vaivut leh gas leng velte hian kan atmosphere a tuam ang a, chung zawng zawng tifai leh tur chuan kum tam tak chhung a ngai dawn a; tin, a debris tam tak hian Lei a rawn deng thei dawn bawk a ni. Eng thil nge lo thleng ang tih hi NASA pawhin a sawi chiang ngam ta bik hrih lo a ni e. Comet ISON hi mihring fapa lo kal hnaih tawh chhinchhiahna nia an sawina pawh he link ah hian a chhiar theih bawk e:……………………… //facebook/lka.chawngthu/posts/394464644014807?refid=18 He comet ISON hi kum 333 dana chhiatna, hripui rapthlak tak thlentu Simeikhu lo lang thar nia chhuina chu hetah hian a chhiar theih leh bawk e…… https://m.facebook/groups/154967894579351?view=permalink&id=558505767558893&_rdr#558511784224958 2. A HMU CHHUAKTUTE HMING AWMZIA CHU!! Vitali Nevski hming hi en hmasa lawk ila, ‘Vitali’ tih awmzia hi ‘nunna’ (life) tihna a ni a. A hming hnuhnung zawk, Nevski tih hi Russia rama lui pakhat Neva peng sawina a ni a, a awmzia chu ‘tui emaw, tuipui’ emaw tihna a ni. Chutichuan, Vitali Nevski a hming awmzia kan remkhawm chuan ‘Vital or Living water” (nunna tui) tihna a lo ni e. Latin tawng erawh chuan ‘Neva’ tih hi ‘tle/eng zung’ emaw, ‘ ‘enna’ emaw tihna a ni a, hemi awmzia hi kan hman chuan Vitali Nevski awmzia chu “Alive with radiant brightness” (Nunna engmawi?) tihna a ni ve thung bawk. Scientist pakhat zawk hming, ‘Artyom’ tih hi ‘ARTEMISIOS’ tih atanga lak chhuah a ni a, a awmzia chu ‘WORMWOOD’, Mizo tawngin SAI-(kha lutuk) tihna a ni. ( Bible ah hian hming hian pawimawhna tak a nei a, Hebrew ho phei chu an hming hian an nihna sawi fiah nghalin, hming hian ‘title’ a entir thin bawk. Abrama chu Abrahama tia a hming thlaksak a ni a, chutiangin Saraii=Sari; Jakoba=Israela; Simona=Petera; Saula=Paula etc.. Tin, Bible ziaktute hming ngeite pawh hian a Hebrew word ah chuan awmzia a nei deuh vek bawk.-Lk) Thupuan bu keu leh lawk teh ang: 8:10 Tin, vantirhkoh pathumna chuan a han ham a; tichuan arsi lian pui meichher anga alh, van atangin a lo tla a, lui hmun thuma thena hmun khat leh tuikhurte chu a delh ta a; 8:11 chu arsi hming chu Sai (WORMWOOD) a ni a; tui hmun thuma thena hmun khat chu saiah a lo chang ta; tichuan chu tui chu an in a, mi tam tak an thi a, a lo khak tak avangin. 8:12 Tin, vantirhkoh palina chuan a han ham a; tichuan ni hmun thuma thena hmun khat, thla pawh hmun thuma thena hmun khat, arsite pawh hmun thuma thena hmun khat chu tihchhiat a ni ta a; chungho hmun thuma thena hmun khat chu a thimna tur leh, chhun chu hmun thuma thena hmun khat a en lohna turin; zan pawh chutiang bawkin a ni. 8:13 Tin, ka han en a, mupui vanlaizawla thlawkin aw ring takin, “vantirhkoh pathum tawtawrawt la ham tur, chu mi ri lo la awm turte avang chuan leia awmhote chung a pik e, a pik e, a pik e!” a tih ka hria a. 3. THIL DANG NEUH NEUH: Carey Lisse, NASA tana thawk mek chuan, “Kan chhut dan chuan, he comet ISON hian minute tinin Carbon dioxide gas lam chi (khawvel tilum thei chi gas) hi pound maktaduai 2.2 a ti chhuak ang a, hei bakah hian vaivut leh bawlhhlawh leng vel pound maktaduai 120 vel a ti chhuak thei ang” tiin a lo sawi tawh bawk a ni. July 18th 2013 khan European Space Agency/NASA-a Solar and Heliospheric Observatory chuan Ni thla an lakah chuan thil kua (corona hole) lianpui mai an hmu chhuak a, chu corona hole chu a thim kual pup mai a. He corona hole vang hian Ni atanga magnetic field lo kal, a awmna ngaia kir leh tur chu boruak zau tak (space) ah a darh phah vek dawn a, chu chuan boruakah solar wind nasa tak a thlen dawn a, Ni atanga particle thenkhat lo chhuak te chu nasa takin boruakah a darh phah dawn bawk a ni. Scientists te chuan he corona hole lian tak lo insiamna chhan hi an hre lo va, mahse ngaihthat lohna tur a awm lo tiin rang takin an sawi thung ang..ngaihthat thlak lo pawh nise tih theih vak nei hek lo! He thil hian Comet ISON nen hian inkungkaihna a nei em? tih hi zawhna chhan theih loh a la ni hrih a. Tun laia khawvel hmun hrang hranga thleng thut thin, ‘sinkhole’ an tih, Lei tla hniam thut thut a, building leh motor, thing leh maute lem zo duak duak thin lo awm thut thinte hi a chhan hriat fiah theih a ni lo bawk a, Lei hi eng emaw kawng takin a insingsa niin an lang a ni. 4. CHHINCHHIAHNA LO LANG TURTE: Kan sawi fo tawh angin kan hma lawkah hian chhinchhiahna chi hrang hrang lo lang leh tur a awm a, chungte chu- 1) Thla thisena chang vawi 4 (blood moon tetrad) : April 15, 2014 (Kalhlen kut ni tak), Oct 8, 2014 (Bawkte kut), April 4, 2015 (Kalhlen kut), Sept 28, 2015 (Bawkte kut). 2) Ni thim/ awk lem (solar eclipses) vawi 2: Mar 20, 2015 (Religious calender a Pathian kum thar) ah leh Sept 13, 2015 (Rabbinical new year/ Rosh Hashana/ Tawtawrawt kut.) Hetiang chiah hian blood moon tetrad hi 1967-68 khan a lo awm tawh, Israel ten 7 June,1967 ah Jerusalem a pumpuiin an chang ta a nih kha. 3) Jubilee Year (kum 50-na, saltang chhuah kum) chu 2016/2017 khi a ni e. Jubilee year hnuhnung ber chu 1967, Jerusalem laklet kum kha a ni a, a hnu hnung ber dawttu chu ottoman turks ho kut atanga British Gen. Allenby leh a Jewish sipaiten Jerusalem an chhuhsak kum a lo ni leh chiah a, chu chu 1917 kha a ni e. Kan hma lawk Jubilee year lo thleng leh turah hian Pathianin setana saltangte min chhuah hlen kan beisei em em bawk e. I RAM LO THLENG RAWH SE!!!!!!!!
Posted on: Mon, 25 Nov 2013 16:18:58 +0000
Trending Topics
Recently Viewed Topics
© 2015