Komisaun Organizadora Ba Komemorasaun Loron Falintil Nian Hasoru Malu Ho PM Dili: Komisaun organizadora ba komemorasaun Loron Falintil Nian ne’ebé mak lidera Ministériu Solidaridade Sosiál ohin hasoru malu ho Primeiru Ministru (PM), Kay Rala Xanana Gusmão hodi imforma prearasaun ba loron imortante nomos kada ministériu hato’o sira nian orsamentu ne’ebé mak atu aloka ba. Atu komemora loron Falintil Forsa Defesa Timor Leste (F-FDTL) ba tinan ida ne’e sei hala’o iha Suku Betano Distritu Manufahi, desizaun ne’e desidi husi Priemeiru Ministru no Prezidente Repúblika rasik. Hafoin enkontru ho Primeiru Ministru Vise Ministru Solidaridade Sosiál, Jacinto Rigoberto hateten katak kada ministériu mai hotu sira nian oramentu ne’ebé mak atu aloka ba eventu loron Falintil 20 De Agustu ne’e no hetan ona aprovasaun hein deit atu implementa iha Baze. “ Ohin ami mai hasoru Primeiru Ministru ko’alia konaba preparasaun dezmobilizasaun loron Falintil 20 Agustu tinan ida ne’e, ne’ebé sei hala’o komemorasaun iha Betano” dehan Vise Ministru Solidaridade Sosiál (MSS), Jacinto Rigoberto ba jornalista sira iha Palásiu Governu Kinta-Feira (04/07/13). Orsamentu ne’ebé mak atu aloka ba eventu importante ne’e, kada minsitériu idak-idak preve sira nian osan rasik, maibe husi Ministériu Solidaridade Sosiál rasik, sei aloka ho montante “duzentus e kinentus mil dalor amerikanu” (USD $ 250.000.000.00). orsamentu hirak ne’e sei halo ba atividade sira mak hanesan prepara fatin, medallas no seluk-seluk tan. Dehan Jacinto. Iha komisaun organizadora ne’e kompostu husi, Ministériu Solidaridade Sosiál, Ministériu Defeza no Siguransa, Ministériu Obras Públika, Sekretáriu Estadu Veteranus no Kombatentes nian, Skretáriu Estadu Dezenvolmentu Lokal. Fontes: partidocnrt
Posted on: Thu, 04 Jul 2013 15:37:17 +0000
Trending Topics
Recently Viewed Topics
© 2015