Këto ditë është mbajtur ceremonia e ndarjes së çmimeve “Huading Awards”, dhe është interesante të cekët se si Nicolas Cage dhe Nicole Kidman u shpallën aktorët më të mirë në botë. “Variety” shkruan se kjo ceremoni e organizuar nga kompania “Global Talents Media” organizohet disa herë në vit për të nderuar individët nga bota e sportit dhe argëtimit. Çmime të tjera fituan edhe Quentin Tarantino (regjisori më i mirë), Avril Lavigne (këngëtarja më e mirë), Michelle Dockery (aktorja më e mirë në një seri televizive), Matthew Perry (aktori më i mirë në një seri televizive) dhe Sam Worthington (aktori më i mirë i filmit aksion). Megjithatë, vëmendjen e ka tërhequr më së shumti çmimi i Cage i cili njihet si një aktor i cili pranon çdo rol, dhe kriteri i vetëm i tij për përzgjedhje të rolit është paraja.
Posted on: Thu, 10 Oct 2013 09:01:07 +0000