Lah sanang tampaknyo rang paladang #Rimbo kini lah jadi sawah #Dek ulah jaso tambilang #Gurun kini lah barubah #Picaklah dapek dilayang #Buleklah buliah digolekkan #Lah tarang rimbo alang alang #Tanamlah patuik manggantikan #Dahulu rimbo sikaduduak #Kinilah jadi sawah taruko #Lah cayie candonyo luluak #Salasai disikek jo di tundo #Elok tumpaknyo sawah baru #Tagak di lereang pandakian #Tapi lai koh dunsanak nan tau #Ratok kabau di kubangan #Ulah dek baso kayu bangkuak #Dek elok apik tali bajak #Sampai lupo kabau jo kuduak #Lanyah juo sawah satumpak #Pungguang mada kuduak malaleh #Lutuiklah guyah ka ampeknyo #Talihie bak raso ba ampaleh #Dek ulah lilik tali katayo #Pungguang bak raso urang dabiah #Cambuik bak raso samuik api #Kaki sakik jangeklah padieh #Hiduang tak lapeh dari tali #Bakaluak batuang di pasangan #Mato bajak cukam katanah #Dek barek baban nan baelokan #Lai koh tau nan punyo tanah #Tanduak pumpun kaniang baluluak #Ka hiduang paluah mahilie #Tabiang batu nan basinduak #Dek ulah bacamin ayie #Dikayai juo sahabih tanago #Kok lai juo ta ubek jarieh #Indak ka dapek jaguang mudo #Rumpuik salibu kok lai ka buliah #Tapi dek awak tingga jo agak #Agiah di urang nan manantukan #Lah babusa liyua dek litak #Urang manyangko kakanyangan #Dek elok budi tali bajak #Dek pandai singka malenggangkan #Dikayai juo muluik galak #Bialah litak den suruakkan #Lah licin luluak di taruko #Lah haluih tanah nan babingkah #Disikolah malang tasuo #Nasib suratan jaleh sudah #Musim batanam lah tibo masonyo #Baniah lah patuik urang angkek #Di kandanglah dulu samantaro #Lah cukuik samantaro kabau babuek #Kayo basilieh gadang balega #Sasuai jo kakok bakarajo #Tagak baralieh duduak bakisa #Itulah hiduik hakekatnyo #Kok salasai musim ma ambiek #Tanam lah langkeh urang sabik #Disitu malah kabau babaliak #Bajaklah siap ka di irik #Indak doh untuang di sasali #Bukan manyasa kasuratan #Lai tau kabau jo diri #Tapi lai ko tau tuan jo badan #Walau binatang tuan sabuik #Kami makhluk Tuhan juo #Samo manaruah isi paruik #Kok litak samo taraso #Antah kok jin jo malaikat #Indak manaruah hauih jo lapa #Hanyo kito beda martabat #Tuan makhluk paliang mulia Kami tanago nan bapanggakkan #Dek tuan cadiak balabieh #Tapi kok sayang ka disabuikkan #Samo manaruah cinto jo kasieh #Tuan bamain jo aka panjang #Kami bamain jo naluri #Sajak salangkah dari kandang #Rumpuik saparuik nan bacari #Katiko badan baranak ketek #Baru tuan manyabuik kasieh #Untuak anak kami susu saketek #Dek tuan dadieh balabieh #Dulu di zaman cindua mato #Maso gumarang jo sibinuang #Taraso disitu hiduik baguno #Badan di takuik di sagani urang #Kini apo ka di agak #Sayang tuan kok dibaco #Labieh elok nasib si lupak #Talakik baburu naiak oto #Kok lai bana dapek namo #Panyambuang Minang di balakang #Tapi tak labieh ka merek sajo #Nan jaso lah lamo hilang #Katiko batagak pangulu #Disitu kami diharagoi #Di arak urang kampuang sasuku #Sabalun masuak ka kuali #Bacarai badan jo kapalo #Taserak darah di ka bumi #Lah balewakan pangulu jo galanyo #Jason an indak rang kana lai #Dicaliek pulo kabau padati #Baitu juo kabau kilangan #Bajalan abih sapanjang hari #Baban tak lapeh dari badan #Den ratok-i untuang di kubangan #Ka bakeh tuan rang paladang #Ka rumah bantai capeklah bao #Usah ditunggu panyakik datang #Umua panjang sakik kok parah #Manyeso lamo dalam kandang #Di jua harago kok murah #Di bantai dagiang lah kurang.
Posted on: Wed, 20 Nov 2013 05:39:00 +0000
Trending Topics
Recently Viewed Topics
© 2015