Mikið lifandis skelfing er ég feginn að forsetinn samþykkti lögin, já það þjónar vissulega mínum hagsmunum. Án þess að vera kvartsárari en gengur og gerist, þá játa ég að mér mislíkar þegar lækka á launin mín. Frá því að sjávarútvegsráðherra úr röðum krata (sem sumir telja til sérstakra vina verkafólks) skyldaði okkur til að taka þátt í að reka útgerðina, þá er stöðugt verið að ganga lengra í að fá okkur til að styðja okkar vinnuveitendur. Að sjálfsögðu hefum við sjómenn þurft að taka á okkur launalækkun í kjölfar hækkunar veiðigjalda og engan þekki ég sem fagnar því þegar launin eru lækkuð. Ég gerðist víst sekur um að tala í gátum í einni setningu, en það vefst fyrir mörgum. Af tillitssemi við þá sem hættir til að misskilja, þá skal ég útskýra hvað við er átt. Árið 1978 setti Kjartan Jóhannesson sjávarútvegsráðherra Alþýðuflokksins lög þess efnis að sjómenn skyldu taka þátt í olíukostnaði. Við sjómenn getum sætt okkur við launalækkun vegna ástands á mörkuðum og hás gengis krónunnar, það er eðilegt og kemur til baka. En að lækka launin okkar með undirskirftasöfnun varðandi lög sem enginn fótu er fyrir, tja, lengi má brýna deigt járn svo það fari að bíta:)
Posted on: Tue, 09 Jul 2013 17:20:12 +0000