ONE DAY SAVA VEH RUNPUI KHA... ASEP OB Meeting chuan Inrinni lo awm leh tur October ni 11, 2014 khi a ruatfel ta a. A hmun atan a remchang thei a nih chuan Aizawl Zoological park ni se, camera nei ve lem lo tan pawha en tur hrim hrim tam sa hi tha-in kan hre ta deuh. Dar 11AM ah a hmunah tan tur a ni ang a, simple function tawi te hman a nih hnu-ah sava veh chu tan a ni ang a, 2:30-3:00PM ah refreshment neih a ni ang. Kal thei turte comment lamah in report theih hram tum ila, mahnia kalna nei remchang lote tan inthlahrun tur a ni lo, ASEP-in a ngaihtuah ang. Refreshment pawh ASEP-in a ngaihtuah ang a, Zoo lamah siamna remchang a awm chuan ar-sawhchiar tui tak kan pirho hluah mai ang chu. Hetiang hi Mizoramah chuan kan tih vak ngai loh anih avangin Documentary pawh siam nghal kan tum deuh va, Vice President HT Sanga leh Asst. G/S Vanlalzauva TC te kutah a awm ang. Veh tan hma-in briefing tawi te neih a tulin a rinawm a, Jeffrey-a Pa, ZeroCool Mizoram leh Marawna Sailo te zingah tu emaw ber lo inring deuh se. He programme hi Wildlife Week denchhen-a buatsaih a ni a, sava veh programme a nih rualin inhmelhriattawnna hun tha tak turah kan ngai a. Kal theuh tum ila, hlawk tak leh hlim takin hun hmanho i tum ang u. Kan rawt ve hluai ang a, in rawn kal tha leh si lovang tih kan hlau tak zet a nia, hun remchang insiam hram i tum ang u aw...
Posted on: Fri, 03 Oct 2014 17:48:09 +0000
Trending Topics
Recently Viewed Topics
© 2015