Pinay sa Saudi Arabia, ginsilotan sang 100 ka beses nga paghanot sang kawayan sa kaso nga pakigrelasyon sa indi niya asawa Written by Ronald Tactay Published in Ilongo Thursday, 04 July 2013 21:01 KORONADAL CITY- Tuman kasakit ang nabatyagan sang isa ka Pinay pagkatapos nga ginhanot sang 100 ka beses gikan sa isa ka kawayan sang mga otoridad sa pungsod Saudi Arabia. Suno sa report ni Bombo Correspondent Boyet Forro, ginhanot ang 25 anyos nga Pinay nga wala man nakilal-an bangod sa pagpakig-apid sa isa ka lalake nga indi naman niya ini legal nga bana. Ginbiyaan pa sang lalake ang Pinay pagkatapos mahibaloan nga nagabusong ini. Sa baylo nga presuhon sa sulod sang isa ka tuig, ginpamatbatan na lamang siya sang mga otoridad sang mas manabaw nga silot kag ini ang paghanot sa iya sang nipis nga kawayan sang 100 ka beses. Kadungan sini, nagpaandam naman ang mga opisyal sang embahada sang Saudi sa mga OFW nga sundon ang mga mando kag mga layi kag regulasyon sang Saudi Arabia agod indi manginkasubong sang Pinay nga ginhanot bangod sa pagpakig-apid. tigi...
Posted on: Thu, 04 Jul 2013 19:36:51 +0000
Trending Topics
Recently Viewed Topics
© 2015