SAM : ( Fing taka awmtir chein i kalna tûr kawng chu ka entir ang chia: Ka mita en reng chung chein rem ka ruatsak zel ang che.) 32:1 A bawhchhiatna ngaihdama awm a, a sualna hliahkhuha awm chu, a eng a thawl e. 32:2 Mi, LALPAN khawlohna neia a ruat lohva, A thlarauva tihderna rêng rêng awm lova chu a eng a thawl e. 32:3 Ka ngawih reng lai khan, nilenga ka rum thinna lamah ka ruhte hi a chang zo vek a ni. 32:4 Achhun azanin i kutin mi delh si a: Ka taksa hnawnna pawh, thal rumin thil a tidanglam angin, alo danglam tak hial kha. (Selah) 32:5 Ka sualna chu i hnênah ka puang a, Ka khawlohna chu ka zep ta lo va: "Ka bawhchhiatna chu LALPA hnênah thupha ka chawi tawh ang," ka ti a; Tichuan ka sual khawlohna chu i lo ngaihdam tak kha. (Selah) 32:6 Chuvang chuan, Pathian ngaihsak mi tin chu zawn hmuh awla i awm laiin i hnênah tawngtai theuh rawh se: Tui liante chu a lo liam hun chuan anni chu a chim pha thuai dawn lo nia. 32:7 Nang chu ka bihrukna hmun i ni a; nang chuan manganna lakah mi humhim ang a; Chhanhimna hlate-in mi hual veltir ang. (Selah) 32:8 Fing taka awmtir chein i kalna tûr kawng chu ka entir ang chia: Ka mita en reng chung chein rem ka ruatsak zel ang che. 32:9 Ngaihtuahna nei hlei lo sakawr emaw, sabengtung emaw angin awm suh u: Chung chuan thunun nân lakam thir barh an ngai a, 32:10 Chutilochuan i kai thei lo vang. Mi suaksual tan chuan lungngaihna tam tak a awm ang a: LALPA ringtu erawh chu ngilneihnain a hual vêl zawk ang. 32:11 Mi felte u, LALPA-ah chuan hlimin lawm ula: Thinlung dik tak pu zawng zawngte u, hlimin au rawh u.
Posted on: Sat, 05 Oct 2013 02:26:07 +0000
Trending Topics
Recently Viewed Topics
© 2015