SAPELE/DELTA STATE MUST BETTER. 22/01/2015. HOW GOVERNOR UDUAGHAN TAKE LOOSE RESPECT! BACK TO BUSINESS. Lizard wen ruin e mother funeral, wetin e except others to do? – If you disorganize any activity wen concerns you and bring you into power, make you also expect others to act otherwise. My dear people of Sapele and Delta State. Unu go agree with me say na from here day and night nai we dey call on His Excellency Emmanuel Uduaghan,wen b d incumbent Governor of Delta State to caution dis e regime,and to deliver. But pride nor let dis Governor listen, becos the fly wen nor take advise,nai dey follows corpse dey enter grave. When you lack good counsel or fail to take one, you go fall enter trap. I use dis issue of our Governor take signal d rest Deltans say make unu give Sapele people chance politically. Na Sapele Politicians dey play Maradona role for inside PDP,APC & partially LABOUR PARTY. Today na how PDP Primary Election take end nai i wan drop down before i go visit other areas. For this very regime of Governor Emmanuel Uduaghan Sapele nor commission one single completed project,apart from the endless Stadium renovation. His Excellency Dr Emmanuel Uduaghan subscribe to Township neglect and fail to assist our Market women over d completion of our township market. *No good street light. *Hospital equipments for our General Hospital na zero. *Job creation,no impact. *Road repairs (Adeola by New Road,Reclamation,Community Road Amukpe,Old Eku Road,Market Road,Akpoisi Road,Uko Road etc) *Light (Federal Problem). *Education 20%. *Transportation 65%. *Housing Zero. etc Infact i nor fit count becos for dis 8years wen dis Oga dey office,e nor fit tell us say e nor dey enter Sapele,becos na dis same Sapele nai e dey pass dey go e Papa Village and the roads wen lead to d village na great eye sour. To crown dis man regime up,e use e power destroy people Houses,and stores and wen e reach where really need to dey open for Sapele,wen lead to e Papa place,e stop. That one just tell me say dis man nor get focus,and him two boys BEN IGBAKPA and Omare queue enter him none focus movement,as dem nor even fit destroy enter Gana Area wen dem don build Houses block road finish. Na also for dis regime dem collect N1000 from youths becos of jobs and at the end no single jobs for the numerous jobless youths. The few ones wen fall bak to Cycling dem nor only ban d bikes,dem burn some of deir Bikes. All these and many others play nemesis enter PDP State Primary Election. After our state Governor don use Sapele rub ground over e reign for office,cum decide to carry Mr Tony Obuh against the Party members wish. Unu know say If rat nor fit flee enough,e suppose make way for tortoise. If you cannot do it let others try. Nobody get absolute power or knowledge. Na dis words nai Sapele leaders use take play the maradona style against our Governor. Na for line wen delegates stand put nai sms for dey fly for air,base on who dem go vote for. Before then na only Hon. Micheal Diden nai gree open up for Uduaghan say na Okowa the old PDP dey project and e go good make e play enter the.moving train but pride nor let am see road. Instead e cum calculate say,if e project Urhobo man,e go buy fans and atleast the many delegates from Urhobo land go support Chief Matthew Edewie. I nor go fear darkness shit for house. Urhobo betray Urhobo hands down for the Primary Election. I nor go call am betrayal becos na game of Politics. The only thing wen dey dere be say Sapele play greater role for Dr Ifeayin Okowa and the Arithmetic lord for dis game wen silent Udu hand na Hon. Monday Igbuya (I go leave Igbuya mata first). I enter the convoy wey Dr Ifeayin Okowa and Uduaghan for use take go see the Monarch leaders for Oghara before dem reach the township stadium. People nor cum even dey regard our own Governor again. Na so e hold mic dey wan address people for e own Warri North Rally,people begin shout,we nor wan hear. I shame becos wen power full e body,e be like small God,now e don clear like LED Screen say Senate e nor go,aspirant wen e dey project nor see light. D hand writing for the wall be say go repair your prison now bcos d child wen say e mother nor go sleep go also dey awake. You nor go fit dey at rest when you make the entire Sapele and Delta State pass through stress for d past 8years. Over 5Trillion Naira nai we raise as Annual Budgets for almost 6years for Uduaghan regime. Where those money enter? Which capital project we achieve for the State apart from Asaba Airport? Federal Crime commission go soon come open office for Delta for proper auditing. My candid advice for you be say,just use d balance change (money) wen dey ur hands take go buy more AWARDS as u dey buy since and repair your Prison of ur choice becos if you nor go jail,then pack commot from Delta State. I dey very happy say the youths for Delta State don dey wake up through our constant sensitization. For Bomadi yesterday Ijaw boys drive PDP campaign team due to say dem dey rent thugs from outside dey cum maginalize the youths for Bomadi. Also youths use cutlass cut the car back and front mirrow wen Senator James Manager and e crew dey. Also for Agbor yesterday LABOUR PARTY Aspirants duck for Traffic due to Tree wey d youths cut block road. APC dey declare dey go for one side. E so pain me say wen person norva taste power,e go dey promise heaven and earth,but when power and kudi don enter e pocket nobody reach am again. Dis na clear example of wetin happen to our Governor. I DREAM! For Edo State na so the Party members and Exco of PDP neglect Former Governor Lucky Igbinedion and for d end,the man sell the Party out to A.C. We sure say dis Governor nor go do same to APC or Labour Party? To gain more Political respect becos,who dey ground nor dey fear to fall. I Remain The Otota1 Of Sapele. The Urhukpe1 Of Okpe Kingdom. The Asamaigor1 Of Itsekiri Kingdom. The Eagle Eyes Of Delta State. WETIN BE UR ADVICE TO GOVERNOR UDUAGHAN POLITICALLY? WETIN BE UNU ADVICE TO PDP 4 DIS ELECTION? IFEAYIN OKOWA NA REALLY D MESSIAH OR......? God Bless Sapele. (PICTURES FROM OGHARA PDP FLAG OFF) SAPELE/DELTA STATE MUST BETTER.
Posted on: Thu, 22 Jan 2015 07:06:42 +0000