SPORTS INCENTIVE CASH AWARD SEM Vawiin ni 28th Feb.,2014 (Zirtawpni) khan Synod Conference Centre-ah Mizoram sorkar-in Sport lama ti thate tana hamthatna a siam - “Incentive Cash Award to Outstanding Sportspersons 2011-2012” sem a ni a. Kum 2011-2012 chhunga Sports Discipline hrang hrang inelnaa titha mi 397 hnenah Cash Award Rs. 20,19,000/-sem a ni. Pu Hmingdailova Khiangte, Parliamentary Secretary, Sports & Youth Services chu Khuallian niin a hman pui a, lawmman te a sem nghal bawk. Khuallian chuan infiammi kalkhawmte chu fuihin theihtawp chhuah zui zel tur leh insum theihna neih tlatturina fuih a ni. Award semna Inkhawm hi Pu Lalzirmawia Chhangte, Director Sports & Youth Services Department in a kaihruai a, inlawmna thu sawiin Incentive Cash Award to Outstanding Sportspersons chungchang sawi zauna a nei a. Pu R. Lalvena IAS Secretary Sports & Youth Services in thu a sawi in infiammi belhchian dawl niturina fuih bawk. Discipline hrang hrang te lawmman hmuh dan chu hetiang hi a ni. 1 Athletics - 14 2 Badminton - 35 3 Boxing - 54 4 Football - 78 5 Hockey - 18 6 Judo - 45 7 Karate - 14 8 Table Tennis - 10 9 Taekwondo - 42 10 Volley Ball - 13 11 Weightlifting - 28 12 Wrestling - 12 13 Wushu - 33 A pum pui a mimal a dawng hnem ber chu Lalenkawli d/o Vanlalliana Lawngtlai, AIBA Jr. Women World Boxing Championship ( 24th - 30th April 2011 ) Antalya, Turkey-a Gold Medalst niin Rs. 3,00,000/- a dawng a ni.
Posted on: Fri, 28 Feb 2014 15:47:58 +0000