Since na Plagiarism drama dey trend for my newsfeed now (like say the Word no dey dictionary all this while), I want to Confess. Thanks but no thanks to Linja Ikeji, na she dey make me go through this now. Yes I want to confess! I must confess! Ooooh! aaahhh! ouch! Pastor pleaseeeeee, I already said I will confess, why you come still dey pour me SCOAN water na? ***the demon speaking through me now, the Nollywood way*** I, It was I, I, I, (yes even demons dey stammer) I was the one who shared some jokes from some Comedy/Jokes pages that year just to make my friends laugh oo. Uuuuuhhh! Na only share I share oo, no be Plague and Rise oo(Plagiarize), even though I no cite the group name. I be think say na only one single person dem dey cite oo. Ouccchhhh! I only do am then because I feel say if I do my own jokes, e no go sweet oo. Na inferiority complex of the brain dey worry me then oo. Oh pastor pleaseeeee, not the groundnut oil, I mean anointing oil. I fit manage the holy water, but not this one. Youll only end up frying my brain with it and e go interrupt my confession oo. Uurrghhhh! But I no dey do am again oo, now na me dey write my own things oo. All of the things wey you dey see for my wall now, na me write dem oo. If you see dem anywhere, na me dem copy oo. Pastor, I hope God will forgive me and make google not to touch my adSense oo. Na the only common Sense wey God give me to dey manage be that oo. If dem take am, how I wan take get sense dey write for Facebook again? PASTOR: You have been delivered my son. But actually google doesnt really interferes on Facebook plagiarism, its majorly on Blog sites. *the demon provoked and ran out of me* DEMON: What! So you just dey torment me for nothing sake all this while. I tell you say I be blogger? Walai if I deal with you finish today, you go sabi say na me inherit Osama 10th wife. *Curtain drops, Light fades* _________________________________ The last time I called, I hear say the demon still dey pursue the pastor. Dem dey Benin-Lagos express road now.
Posted on: Thu, 09 Oct 2014 09:06:22 +0000
Trending Topics
Recently Viewed Topics
© 2015